Read Time:1 Minute, 56 Second
(ފޮޓޯ ކްރެޑިޓްސް: އެޗްޑީސީ)
މާލޭގެ ވިޔަފާރި ބަނދަރު ތިލަފުއްޓަށް ބަދަލުކުރުމުގެ އަމަލީ މަސައްކަތް ފެށުމަށްޓަކައި، އެ ސަރަހައްދުގައި ހުރި އުޅަނދުތައް ހަތް ދުވަސް ތެރޭގައި ނެގުމަށް އެޗްޑީސީން ވަނީ އަންގާފައެވެ. މި މަޝްރޫއަކީ މާލޭ ބަނދަރު ތޮއްޖެހުމަށް ދާއިމީ ހައްލެއް ހޯދުމަށް ސަރުކާރުން ކުރިއަށްގެންދާ މުހިންމު މަސައްކަތެކެވެ.
މި މަޝްރޫއުގެ ބޮޑު ބައެއް ޗައިނާ ހާބަ އިންޖިނިއަރިން ކޮމްޕެނީއާ ހަވާލުކޮށްފައިވާއިރު، ބައެއް މަސައްކަތްތައް އެމްޓީސީސީން ވެސް ކުރިއަށްގެންދާނެއެވެ. މީގެ ތެރޭގައި ބައިނަލްއަގުވާމީ ކީ-ވޯލްއަކާއި ޑޮމެސްޓިކް ޓާމިނަލެއް ހެދުން ހިމެނެއެވެ. ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވި ގޮތުގައި، އަންނަ އަހަރުގެ ނޮވެމްބަރު މަހުގެ ނިޔަލަށް ބަނދަރުގެ 80 އިންސައްތަ މަސައްކަތް ނިންމައި ޚިދުމަތް ދޭން ފެށޭނެއެވެ. މި ބަދަލާއެކު ރާއްޖޭގެ ލޮޖިސްޓިކްސް ދާއިރާ ހަރުދަނާވެ، މުދާ އުފުލުމުގެ ނިޒާމު އަވަސްވެގެންދާނެ ކަމަށް އެމްޕީއެލްއިން އުންމީދުކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0