Read Time:2 Minute, 2 Second
ހޫނު މޫސުމާ ދިމާކޮށް ކަރަންޓު ބިލްތައް ބޮޑުވަނީ ބިލް ހެދުމުގެ މައްސަލައަކުން ނޫން ކަމަށާއި، އެއީ ކަރަންޓު ބޭނުންކުރާ މިންވަރު އިތުރުވުމުން ދިމާވާ ކަމެއް ކަމަށް ފެނަކަ ކޯޕަރޭޝަނުން ބުނެފިއެވެ. ފެނަކައިން ހާމަކުރި ގޮތުގައި ކޮންމެ އަހަރެއްގެ މާޗް އަދި އޭޕްރީލް މަހު ކަރަންޓު އުފެއްދުމަށް ތެޔޮ އަންދަންޖެހޭ ނިސްބަތް 25 އިންސައްތަ އިތުރުވެއެވެ. މި ދުވަސްވަރު ހޫނުމިން މަތިވުމުގެ ސަބަބުން، އޭސީ ފަދަ ތަކެތި ފިނިކުރަން ގިނަ ހަކަތަ ބޭނުންވުމާއި، ކަރަންޓު ނަރުތައް ހޫނުވުމުން ހަކަތަ އިސްރާފުވުން ފަދަ ކަންކަން މެދުވެރިވާކަން އެ ކުންފުނިން ފާހަގަކުރެއެވެ. މީގެ އިތުރުން، ފާއިތުވި ރޯދަމަހު ސަރުކާރުން ދިން ޑިސްކައުންޓާ އެކުވެސް ކަރަންޓު ބޭނުންކުރި މިންވަރު މަތިކޮށް އުޅުމަކީ ބިލް ބޮޑުވާން ދިމާވި ސަބަބެއް ކަމަށް އެ ކުންފުނިން ބުނެއެވެ. ފެނަކައިން ބޭނުންކުރާ މީޓަރުތަކަކީ ޓެސްޓުކޮށްފައިވާ އިތުބާރު ހުރި އެއްޗެހި ކަމުގެ ޔަގީންކަން ދެމުން، މައްސަލައެއް އުޅޭ ކަމަށް ފާހަގަވާ ބިލްތައް ޗެކްކޮށްދޭނެ ކަމަށްވެސް އެ ކުންފުނިން ވަނީ ބުނެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0