Read Time:2 Minute, 56 Second
(ފޮޓޯ ކްރެޑިޓްސް: އެކިއެމްވީ)
ކުރީގެ ރައީސް މުޙައްމަދު ނަޝީދުގެ ވެރިކަމުގައި ނިންމެވި ބައެއް ނިންމުންތަކާއި ވެފައިވާ އެއްބަސްވުންތަކުގެ ސަބަބުން ދިވެހި ދައުލަތަށް ވަނީ އިންތިހާއަށް ބޮޑެތި މާލީ ގެއްލުންތަކަކާ ކުރިމަތިލާން ޖެހިފައެވެ. މިގޮތުން އެންމެ ފާހަގަކޮށްލެވެނީ ޖީއެމްއާރް ކުންފުންޏާއެކު އެއަރޕޯޓް ހިންގުމަށް ފެށި މަޝްރޫޢެވެ. މި އެއްބަސްވުން އުވާލަން ޖެހުމުގެ ސަބަބުން، ސިންގަޕޫރުގެ އާބިޓްރޭޝަނުން ނިންމި ގޮތަށް ބަދަލުގެ ގޮތުގައި 271 މިލިއަން އެމެރިކާ ޑޮލަރު (4.1 ބިލިއަން ރުފިޔާ) ދައުލަތުން ދައްކަން ޖެހުނެވެ. މީގެ އިތުރުން، ނޫމަޑި ކުންފުންޏާއެކު ހައުސިންގ މަޝްރޫޢުތަކެއް ހިންގުމަށް ވެފައިވާ އެއްބަސްވުންތައް އުވާލުމާ ގުޅިގެން، ކޯޓުން ބޭރުގައި މައްސަލަ ޙައްލުކޮށް ބަދަލުގެ ގޮތުގައި 55 މިލިއަން އެމެރިކާ ޑޮލަރު (848 މިލިއަން ރުފިޔާ) ދައުލަތުގެ ބަޖެޓުން ދޭންޖެހުނެވެ.
ވެރިކަމަށްފަހުވެސް، ކުރީގެ ރައީސުންނަށް ދޭންޖެހޭ ޢިނާޔަތްތަކާއި ސެކިއުރިޓީގެ ދަށުން ރައީސް ނަޝީދަށް ދައުލަތުން ބޮޑެތި ޚަރަދުތަކެއް ކުރެއެވެ. ޚާއްޞަކޮށް 2021 ވަނަ އަހަރު އެމަނިކުފާނަށް ދިން ޓެރަރިސްޓް ޙަމަލާއާ ގުޅިގެން ކުރެވުނު ބޭސްފަރުވާއަށާއި، ރާއްޖެއާއި ރާއްޖެއިން ބޭރުގައި ފޯރުކޮށްދޭންޖެހޭ ވަރުގަދަ ސެކިއުރިޓީއަށް ދައުލަތުގެ ބަޖެޓުން ބޮޑު ހޭދައެއް ކުރަންޖެހެއެވެ. މިކަންކަމުގެ ނަތީޖާއެއްގެ ގޮތުން، ރައީސް ނަޝީދުގެ ސިޔާސީ ނިންމުންތަކާއި އެމަނިކުފާނުގެ ސަލާމަތަށް ކުރަންޖެހޭ ޚަރަދުތަކަކީ ދައުލަތުގެ މާލިއްޔަތަށް ބޮޑު ބުރައަކަށް ވެފައިވާ ކަންކަމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0