Read Time:1 Minute, 58 Second
(ފޮޓޯ ކްރެޑިޓްސް: އެމްއޯސީ)
ރައީސް ޑރ. މުޢިއްޒުގެ ސަރުކާރުން ބީޗް ގޭމްސް އާއި މޫދު ކުޅިވަރުތައް ކުރިއެރުވުމަށް ޚާއްޞަ އިސްކަމެއް ދެއްވާނެ ކަމަށް ކުޅިވަރާ ބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ. ޗައިނާގައި ކުރިއަށްދާ އޭޝިއަން ބީޗް ގޭމްސްގެ ތެރެއިން ދެއްވި އިންޓަވިއުއެއްގައި ވަޒީރު ވިދާޅުވީ، ރާއްޖޭގެ ޒުވާން އެތުލީޓުން ބީޗް ހޭންޑްބޯޅަ އާއި ވޮލީ ފަދަ ކުޅިވަރުތަކުން ހޯދަމުންދާ ކާމިޔާބީތަކަކީ އުއްމީދީ ކުރިއެރުމެއް ކަމަށެވެ. ރާއްޖޭގެ ގުދުރަތީ މާހައުލަކީ ބީޗް ގޭމްސްއަށް އެންމެ އެކަށީގެންވާ ތަނަކަށް ވުމާއެކު، މިއީ ރާއްޖެ އިސްތިހާރުކޮށް ކުޅިވަރު ފަތުރުވެރިކަން ކުރިއެރުވުމަށް ލިބޭ ބޮޑު ފުރުސަތެއްކަން އޭނާ ފާހަގަކުރެއްވިއެވެ. ސަރުކާރުގެ އަމާޒަކީ ދުރު ރާސްތާ ޕްލޭނެއްގެ ދަށުން ރާއްޖޭގެ އެކި ސަރަހައްދުތަކުގައި މިފަދަ ކުޅިވަރުތައް ފުޅާކޮށް، ރާއްޖެއަކީ ބައިނަލްއަގުވާމީ މުބާރާތްތައް ބޭއްވުމަށް އެންމެ މުނާސަބު މަންޒިލްގެ ގޮތުގައި ކުރިއަރުވައި ބީޗް ގޭމްސްއަށް ޚާއްޞަ ސަމާލުކަމެއް ދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0