Read Time:2 Minute, 3 Second
ކުރީގެ ރައީސް މުހައްމަދު ނަޝީދު އަވަހާރަކޮށްލަން 2021 ވަނަ އަހަރު ދިން ބޮމުގެ ހަމަލާގެ ތަހުގީގު ފުޅާކޮށް، ވީހާވެސް އަވަހަށް ނިންމުމަށް ޕްރޮސެކިއުޓާ ޖެނެރަލް އައްބާސް ޝަރީފް ފުލުހުންނަށް އަންގަވައިފިއެވެ. ޕީޖީން ކޮމިޝަނާ އޮފް ޕޮލިސްއަށް ފޮނުއްވި ސިޓީއެއްގައި، މި ހަމަލާ ރާވައި ފަންޑުކުރުމުގައި އިތުރު ބަޔަކު ތިބިތޯ ބަލައި އެކަން ސާފުކޮށްދިނުމަށް ވަނީ އެދިވަޑައިގެންފައެވެ.
މި ހަމަލާގައި އަމަލީގޮތުން ބައިވެރިވި އަހުމަދު އަދުހަމް 23 އަހަރަށް ޖަލަށްލާފައިވާއިރު، އިތުރު ހަ މީހެއްގެ މައްސަލަ މިހާރު ވެސް ކޯޓުގައި ދަނީ ހިނގަމުންނެވެ. ނަމަވެސް، މި ހަމަލާގެ އަޑީގައި ތިބި މީހުންނާއި ފަންޑުކުރި ފަރާތްތައް މިހާތަނަށް ހޯދިފައި ނުވާތީ، ރައީސް ނަޝީދާއި އެމަނިކުފާނުގެ އަރިސް ބޭފުޅުން ވަނީ ތަކުރާރުކޮށް ކަންބޮޑުވުން ފާޅުކުރައްވާފައެވެ. މަޖީދީމަގުގައި ސައިކަލެއްގައި އައިއީޑީއެއް ހަރުކޮށްގެން ދިން މި ނުރައްކާތެރި ހަމަލާގައި ރައީސް ނަޝީދަށް ބޮޑެތި އަނިޔާތަކެއް ލިބިވަޑައިގެން ރާއްޖެއާއި ބޭރުން ފަރުވާ ހޯއްދަވަން ޖެހިވަޑައިގަތެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0