Read Time:2 Minute, 24 Second
(ފޮޓޯ ކްރެޑިޓްސް: އަނަންތަރަ)
ޙަލާލު ޓޫރިޒަމް މޮޑެލްގެ ދަށުން ރިސޯޓު ތަރައްޤީކޮށް ހިންގުމަށްޓަކައި ދޫކުރާ ރަށްރަށުގެ ލިސްޓަށް ށ. ފުށިފަރު އިތުރުކޮށް، އެ ރަށް ބީލަމަށް ފަތުރުވެރިކަމާ ބެހޭ ވުޒާރާއިން މިހާރު ވަނީ ހުޅުވާލާފައެވެ. ފުށިފަރުގެ އިތުރުން ހދ. މަކުނުދޫ، ލ. ފޮނަގާދޫ އަދި ސ. ދޮންހެރަ ހިމެނޭހެން ޖުމްލަ ހަތަރު ސަރަހައްދެއް މި މޮޑެލްގެ ދަށުން ތަރައްޤީކުރުމަށް ވަނީ ކަނޑައަޅާފައެވެ. މި ރަށްރަށް 50 އަހަރަށް ކުއްޔަށް ދޫކުރާއިރު، ބީލަން ހުށަހެޅުމުގެ ސުންގަޑިއަކީ އަންނަ މެއި މަހުގެ 11 ވަނަ ދުވަހެވެ.
މި މަޝްރޫޢުތަކަށް އިންވެސްޓަރުންނަށް ގިނަ ލުއިތަކެއް ދިނުމަށް ވަނީ ނިންމާފައެވެ. އޭގެ ތެރޭގައި އިކުއިޒިޝަން ފީ ބަހާލައިގެން ދެއްކުމާއި، އިމްޕޯޓް ޑިއުޓީން %20 މައާފްކޮށްދިނުމުގެ އިތުރުން، ކަނޑައެޅިފައިވާ މުއްދަތަށްވުރެ އަވަހަށް މަސައްކަތް ނިންމާ ރިސޯޓު ހުޅުވައިފިނަމަ ބިމު ކުލި މައާފްކޮށްދިނުން ހިމެނެއެވެ. ށ. ފުށިފަރު ލިސްޓަށް އިތުރުވުމާ ގުޅިގެން މަޢުލޫމާތު ދިނުމުގެ ބައްދަލުވުންތަކާއި ބީލަން ހުށަހަޅަންޖެހޭ ތާރީޚުތަކަށް ވަނީ ބަދަލު ގެނެސްފައެވެ. މީގެ އިތުރުން، އާންމު އުސޫލުން ރިސޯޓު ތަރައްޤީކުރާ 13 ސަރަހައްދެއްގެ ބީލަން ހުށަހެޅުމުގެ މުއްދަތުވެސް ވަނީ މެއި 13 އާ ހަމައަށް އިތުރުކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0