Read Time:2 Minute, 18 Second
(ފޮޓޯ ކްރެޑިޓްސް: ރައީސް އޮފީސް)
ފިޠުރު ޢީދުގެ މުނާސަބަތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފޮނުއްވި ޚިތާބުގައި، ރޯދަމަސް ނިމުމަކީ އަޅުކަންތައް ހުއްޓާލަންވީ ވަގުތު ނޫންކަމަށާއި، ޝައްވާލު މަހުގެ ހަ ރޯދައަކީ އަޅުކަމުގައި ދެމިތިބުމަށް ލިބޭ ދަޢުވަތެއްކަން ފާހަގަކުރެއްވިއެވެ. ރޯދަމަހުގެ އަޅުކަންތައް ފުރިހަމަކުރެވުނުކަމުގެ އުންމީދާއެކު ޢީދުގެ އުފާ ފާޅުކުރާއިރު، މާތް ﷲ އަށް ޙަމްދުކުރުމާއި، ނިކަމެތިންނަށް އެހީތެރިވުމާއި، މުސްލިމުންގެ މެދުގައި އޮންނަންޖެހޭ އެއްބައިވަންތަކަމާއި ލޯބި އާލާކުރުމަށް އެމަނިކުފާނު އިލްތިމާސްކުރެއްވިއެވެ.
ރައީސްގެ ޚިތާބުގައި އިތުރަށް ވިދާޅުވީ، ޢީދުގެ އުފާ ފާޅުކުރުމުގައި އިސްލާމީ މިންގަނޑުތަކަށް ބޯލަނބަންޖެހޭނެ ކަމަށާއި، ރޯދަމަހުން ލިބުނު ކެތްތެރިކަމާއި ރަނގަޅު އަޚުލާޤީ ސިފަތައް މުޅި އަހަރު ދަމަހައްޓަންޖެހޭ ކަމަށެވެ. މީގެ އިތުރުން، ފަލަސްޠީނާއި އިސްލާމީ އުންމަތުގެ އެކި ކަންކޮޅުތަކުގައި ހިތްދަތިކަން ތަހައްމަލުކުރަމުންދާ އަޚުންނާއި އުޚުތުންގެ އިޙްސާސްތަކުގައި ބައިވެރިވެ، އެ ފަރާތްތަކަށް އަމާންކަމާއި ނަޞްރު ދެއްވުން އެދި ދުޢާކުރުމަށް ވެސް ރައީސުލްޖުމްހޫރިއްޔާ ބާރުއެޅުއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0