Read Time:3 Minute, 45 Second
(ފޮޓޯ ކްރެޑިޓްސް: ރައީސް އޮފީސް)
ކުދި އަދި މެދު ފަންތީގެ ވިޔަފާރި (އެސް.އެމް.އީ) ތަކަށް ކުރިމަތިވެފައިވާ ގޮންޖެހުންތައް ހައްލުކޮށް، އެ ދާއިރާ އިތުރަށް ކުރިއެރުވުމަށް ރައީސް ޑރ. މުޙައްމަދު މުޢިއްޒުގެ ސަރުކާރުން ފުޅާދާއިރާއެއްގައި މަސައްކަތްތަކެއް ފަށައިފިއެވެ. މި މަސައްކަތްތަކުގެ ދަށުން، މިދިޔަ ބުދަ ދުވަހު ބޭއްވުނު ކެބިނެޓް ބައްދަލުވުމެއްގައި ވަނީ އެސް.އެމް.އީ ދާއިރާ ކުރިއެރުވުމަށް ގިނަގުނަ ކަންތައްތަކެއް ނިންމާފައެވެ. މި ނިންމުންތައް ނިންމާފައިވަނީ، 2025 ވަނަ އަހަރުގެ ޑިސެންބަރު މަހުގެ 17 ވަނަ ދުވަހު، ކުދި އަދި މެދު ފަންތީގެ ވިޔަފާރީގެ ދާއިރާގެ ވިޔަފާރިވެރިންނާއެކު ބޭއްވުނު ބައްދަލުވުމެއްގައި އެ ވިޔަފާރިވެރިން ފާހަގަކުރެއްވި މައްސަލަތަކާއި ކަންބޮޑުވުންތަކުގެ އަލީގައެވެ. ރައީސް މުޢިއްޒު އިސްވެ ހުންނަވައި ބޭއްވެވި މި ބައްދަލުވުމުގެ މައިގަނޑު މަޤްޞަދަކީ، ދިވެހިރާއްޖޭގެ އިޤްތިޞާދުގެ މައި ތަނބެއް ކަމުގައިވާ އެސް.އެމް.އީ ދާއިރާގެ ހަޤީޤީ ހާލަތު ދެނެގަނެ، އެ ދާއިރާ ކުރިއެރުވުމަށް ބޭނުންވާ ފިޔަވަޅުތައް އެޅުމެވެ.
މި ބައްދަލުވުމުގައި ހުށަހެޅުނު ކަންކަމާއި، ސަރުކާރުގެ މެނިފެސްޓޯގައި އެ ދާއިރާއާއި ގުޅޭގޮތުން ކަނޑައަޅާފައިވާ ކަންކަމުގެ އިތުރުން، ސަރުކާރުން ކުރިޔަށް ގެންދާ އެކިކަންކަމުގެ ނަތީޖާ ހެޔޮގޮތުގައި ބައްޓަންކުރުމަށްޓަކައި، ކެބިނެޓުގައި މިދިޔަ ބުދަ ދުވަހު ވަނީ ފުޅާދާއިރާއެއްގައި މަޝްވަރާކުރެވި ގިނަގުނަ ކަންތައްތަކެއް ނިންމާފައެވެ. މިގޮތުން، ކުރިޔަށް އޮތް ދެ އަހަރު ދުވަހަކީ ކުދި އަދި މެދު ފަންތީގެ ވިޔަފާރިތައް ކުރިއެރުވުމަށް ޚާއްސަ ފިޔަވަޅުތަކެއް ތަންފީޒު ކުރާނެ ދެ އަހަރުގެ ގޮތުގައި ވަނީ ކަނޑައަޅާފައެވެ.
ނިންމުނު ކަންކަމުގެ ތެރެއިން ބައެއް ފިޔަވަޅުތައް 2026 ވަނަ އަހަރުގެ ޖެނުއަރީ މަހުގެ 1 ވަނަ ދުވަހުން ފެށިގެން ތަންފީޒު ކުރަން ފަށާނެއެވެ. މި ހުރިހާ ކަންކަމެއްގެ މަޢުލޫމާތު ސަރުކާރުގެ ކަމާބެހޭ ފަރާތްތަކުން ޢިއުލާން ކުރަމުން ގެންދާނެ ކަމަށް ރައީސް އޮފީހުން މަޢުލޫމާތު ދެއްވައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0