Read Time:2 Minute, 31 Second
އިބްނު ޢަޠިއްޔާ (ނޔވ 542) އެކަލޭގެފާނުގެ ތަފްސީރުގައި ވިދާޅުވިއެވެ: ފާފަވެރިޔާ ކުރާނެ ދުޢާއަކާއި ބެހޭގޮތުން ސަލަފުންގެ ބައެއް ބޭކަލުންނާއި ސުވާލު ދެންނެވުނެވެ. ފަހެ ޖަވާބުގައި އެ ބޭކަލުން ވިދާޅުވިއެވެ. އެ މީހުން ކިޔާނީ އެ މީހުންގެ ބައްޕާފުޅު އާދަމް އަދި މަންމާފުޅު ޙައްވާ [عليهما السلام] ވިދާޅުވި ދުޢާއެވެ.
﴿رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ﴾ [سورة الأعراف 23]
މާނައީ: “އަޅަމެންގެ ވެރި ރައްބެވެ! އަޅަމެންގެ އަމިއްލަ ނަފުސުތަކަށް އަޅަމެން އަނިޔާވެރި ވެއްޖައީމެވެ. އަދި އަޅަމެންނަށް އިބަ އިލާހު ފާފަ ނުފުއްސަވައިފި ނަމަ، އަދި ރަޙުމަތް ނުލައްވައިފި ނަމަ، އަޅަމެން ވާހުށީ، ގެއްލެނިވެގެން ވާ މީހުންގެ ތެރެއިންނެވެ!”
އަދި މޫސާ [عليه السلام] ވިދާޅުވި ދުޢާއެވެ.
﴿رَبِّ إِنِّي ظَلَمْتُ نَفْسِي فَاغْفِرْ لِي﴾ [سورة القصص 16]
މާނައީ: “އަޅުގެ ރައްބެވެ! ހަމަކަށަވަރުން މި އަޅާ މި އަޅާގެ އަމިއްލަ ނަފުސަށް އަނިޔާވެރި ވެއްޖައީމެވެ. ފަހެ މި އަޅާއަށް ފާފަފުއްސަވާނދޭވެ!”
އަދި ޔޫނުސް [عليه السلام] ވިދާޅުވި ދުޢާއެވެ.
﴿لَّا إِلَـٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ﴾ [سورة الأنبياء 87]
މާނައީ: “އިބަ އިލާހު މެނުވީ އަޅުކަންވެވުން ޙައްޤު އެހެން އެއްވެސް އިލާހަކު ނުވެއެވެ. އިބަ އިލާހު ހުސްޠާހިރުވަންތައެވެ. ހަމަކަށަވަރުން މި އަޅާ މި ވަނީ އަނިޔާވެރިންގެ ތެރެއިންނެވެ.”
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0