Read Time:2 Minute, 42 Second
ރައްޔިތުންގެ މަޖިލީހުން މަސްތުވާތަކެއްޗާ ބެހޭ ޤާނޫނަށް މިއަދު ވަނީ ބަދަލުތަކެއް ފާސްކޮށްފައެވެ. މި އިސްލާޙުތަކުގެ ދަށުން، އުމުރަށް ޖަލަށްލުމަކީ ކުރިން 25 އަހަރުގެ އަދަބެއް ކަމަށް އޮތް އޮތުން ބަދަލުކޮށް، އެ މީހަކު މަރުވަންދެން ޖަލުގައި ހުންނަން ޖެހޭނެ ގޮތަށް ހަދާފައިވެއެވެ. މި އަދަބު ލިބޭ މީހުންނަށް ޕެރޯލް ނުވަތަ މާފެއް ނުލިބޭނެއެވެ. މީގެ އިތުރުން، ރާއްޖެއަށް މަސްތުވާތަކެތި އެތެރެކުރާ މީހުންނަށް މަރުގެ އަދަބު ދެވޭނެ ގޮތަށް ވެސް ޤާނޫނަށް ބަދަލު ގެނެސްފައިވެއެވެ. ނަމަވެސް މި އަދަބު ދެވެނީ ވަކި ޝަރުތުތަކެއް ފުރިހަމަވެ، ސުޕްރީމް ކޯޓުގެ ފަނޑިޔާރުންގެ އިއްތިފާޤުން ކަމަށް ވެސް ބިލުގައި ބުނެފައިވެއެވެ. ފަނޑިޔާރުން އިއްތިފާޤު ނުވާނަމަ ދެވޭނީ އުމުރަށް ޖަލަށްލުމުގެ އަދަބެވެ.
މަރުގެ އަދަބު ކަނޑައެޅޭނެ މިންވަރުތަކަކީ:
- 350 ގްރާމަށް ވުރެ ގިނަ ކެނެބިސް
- 250 ގްރާމަށް ވުރެ ގިނަ ޑައިމޯފިން
- ކެނެބިސް އަދި ޑައިމޯފިން ފިޔަވައި ޖަދުވަލު 1 ގައި ހިމެނޭ 100 ގްރާމަށް ވުރެ ގިނަ އެހެން މަސްތުވާތަކެތި.
މި އަދަބު ދެވޭނީ، އެ މީހަކު ރާއްޖެއަށް އެތެރެވިއިރު އެތެރެކުރި މަސްތުވާތަކެއްޗަކަށް ވާނަމައެވެ. މިފަދަ މައްސަލަތަކުގައި ހުކުމް ކަނޑައެޅިއްޖެނަމަ، މަތީ މަރުހަލާގެ ކޯޓުތަކުން ހުރިހާ ގާނޫނީ ނުކުތާތަކާއި ކަންހިނގާފައިވާ ގޮތް އަލުން ބަލަން ޖެހޭނެއެވެ. މަރުގެ އަދަބު ތަންފީޒު ކުރެވޭނީ ސުޕްރީމް ކޯޓުގެ ބެންޗުގެ އިއްތިފާގުން އެ ހުކުމަށް ތާއީދުކުރުމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0