Read Time:2 Minute, 36 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) އަށް 6 އަހަރު ފުރުމާ ގުޅިގެން، އެ ކުންފުނީގެ ލޯގޯ އަލުން ބަދަލުކޮށްފިއެވެ. މި ރަސްމިއްޔާތުގައި އައު ލޯގޯ އިފްތިތާހުކޮށްދެއްވީ ދަތުރުފަތުރާ މަދަނީ އުދުހުންތަކާބެހޭ ވަޒީރު މުޙައްމަދު އަމީނެވެ. 2019 ވަނަ އަހަރު ރައީސުލްޖުމްހޫރިއްޔާގެ ޤަރާރަކުން އުފެއްދި 100 އިންސައްތަ ސަރުކާރު ހިއްސާވާ މި ކުންފުނިން މަގު ހެދުމާއި، ދާލަންތައް މަރާމާތުކުރުމާއި، އިމާރާތްކުރުން ފަދަ ޢުމްރާނީ ތަރައްޤީގެ ގިނަ މަޝްރޫޢުތައް ރާއްޖޭގެ އެކި ކަންކޮޅުތަކުގައި ދަނީ ކުރިއަށްގެންދަމުންނެވެ. ވަޒީރު އަމީން ވިދާޅުވީ، ރާއްޖޭގެ އުމްރާނީ ތަރައްޤީގައި އާރްޑީސީއަކީ ވަރަށް މުހިންމު ދައުރެއް އަދާކުރާ ކުންފުންޏެއް ކަމުގައެވެ.
އާރްޑީސީގެ މެނޭޖިންގ ޑިރެކްޓަރ އިބްރާހީމް ނަޒީމް ވިދާޅުވީ، ރައީސް ޑރ. މުޢިއްޒުގެ ސަރުކާރުގެ އަމާޒަކީ ރައްޔިތުންނާ ގުޅުންހުރި ޢުމްރާނީ މަޝްރޫޢުތައް ހަލުވިކަމާއެކު ކުރިއަށްގެންދެވޭނެ އަދި އަރަނިވެރި ކުންފުންޏަކަށް އާރްޑީސީ ހެދުން ކަމަށެވެ. އަދި އޭނާ ވިދާޅުވީ، ކުރިއަށްއޮތް 6 މަސް ދުވަސްތެރޭގައި 40 މެޝިން ލިބި، ވިޔަފާރި ފުޅާކޮށް ކުންފުނި އަރަނިވާ ކުންފުންޏަކަށް ހެދުމަށް ގަސްތުކުރާ ކަމުގައެވެ. މި ރަސްމިއްޔާތުގައި ކުންފުނީގެ މުވައްޒަފުންގެ އަގު ވަޒަންކޮށް، ތަފާތު 8 ދާއިރާއަކުން އެވޯޑްވެސް ދީފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0