Read Time:2 Minute, 17 Second
(ފޮޓޯ ކްރެޑިޓްސް: ޕީއެސްއެމް ނިއުސް)
އިއްޔެގެ ހުކުރު ޚުޠުބާގައި ވަނީ އުޒުރަކާ ނުލައި ނަމާދު އެޅުމަކީ ﷲގެ ކޯފާ އަންނާނެ ކަމެއްކަމަށާއި، ނަމާދަކީ މުސްލިމެއްގެ އިސްލާމްކަން ދައްކުވައިދޭ މައިގަނޑު އަޅުކަން ކަމުގައި ވިދާޅުވެފައެވެ. ނަމާދަކީ އަމާންކަމާއި ރައްކާތެރިކަން ކަށަވަރުކޮށްދީ، ކާމިޔާބީއަށް މަގުފަހިކޮށްދޭ އަޅުކަމެއް ކަމަށާއި، މުންކަރާތްތަކުން ދުރުކޮށްދޭ ވަސީލަތެއް ކަމަށް ޚުޠުބާގައި ބަޔާންކުރިއެވެ.
ބަލި ޙާލުގައްޔާއި، ދަތުރުފަތުރުގެ ތެރޭގައި، އަދި ހަނގުރާމައިގެ ވަގުތުގައިވެސް ނަމާދު ކުރުން ލާޒިމުކަމަށް ހަނދާންކޮށްދެއްވިއެވެ. ނަމާދު އެޅުމަކީ އިސްލާމްކަމާއި ކާފިރުކަމާ ވަކިކޮށްދޭ އިންކަމުގައި ސުންނަތުގައި އައިސްފައިވާކަން ފާހަގަކުރައްވައި، ބައެއް މީހުން ރަމަޟާން މަހު އެކަނި ނުވަތަ ހުކުރު ދުވަހު އެކަނި ނުވަތަ ބައެއް ނަމާދުތައް ކޮށް އަނެއްބައި ނުކޮށް ހަދާތީ، އެކަންކަމަކީ ފާފަވެރިވާނެ ކަންކަން ކަމުގައި ޚުޠުބާގައި އިންޒާރު ދެއްވިއެވެ. ކޮންމެ މުސްލިމަކުވެސް ނަމާދަށް ސަމާލުވެ، ނަފުސަށް ބަދަލު ގެނައުމަށް އަވަސްވުމަށް ގޮވާލެއްވިއެވެ. އަދި ނަމާދަކީ ކުރެވޭ ކުދި ފާފަތައް ފުއްސަވާދޭނެ އަޅުކަމެއްކަންވެސް ހަނދާންކޮށްދެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0