ބޮޑުތިލަދުންމަތީގެ 13 ފަޅެއްގައި ރިސޯޓު ތަރައްޤީކޮށް ހިންގުމަށް ހުޅުވާލައިފި

Read Time:3 Minute, 27 Second

(ފޮޓޯ ކްރެޑިޓްސް: ހައިޑްއަވޭ ބީޗް ރިސޯޓް އެންޑް ސްޕާ)

ފަތުރުވެރިކަމާ ބެހޭ ވުޒާރާއިން ވަނީ ބޮޑުތިލަދުންމަތީގެ 13 ފަޅެއްގައި ޓޫރިސްޓް ރިސޯޓުތައް ތަރައްޤީކޮށް ހިންގާނެ ފަރާތްތައް ހޯދުމަށް އިއުލާންކޮށްފައެވެ. މިއީ ރާއްޖޭގެ އުތުރުގެ ސަރަޙައްދުގައި ފަތުރުވެރިކަން ތަރައްޤީކުރުމަށް ސަރުކާރުން ކުރަމުންދާ މުހިންމު މަސައްކަތެކެވެ. މިގޮތުން ހއ. ކެލާ، ހއ. މާދުނި، ހދ. މަކުނުދޫ، ހދ. މާފަރު އަދި ށ. ގޮނާގެ ފަޅުތަކުގައި ރިސޯޓު ހަދަން ހުޅުވާލާފައިވާއިރު، ކެލާ ފަޅު ފިޔަވައި އެހެން ހުރިހާ ފަޅެއްގައި 200 ހެކްޓަރުގެ ބިން ހިއްކައިގެން ރިސޯޓު ތަރައްޤީކުރެވޭނެއެވެ. ކޮންމެ ރިސޯޓެއްގައި މަދުވެގެން 150 އެނދު ހުންނަންޖެހޭނެއެވެ.

މި ފަޅުތައް 50 އަހަރަށް ކުއްޔަށް ދޫކުރުމަށް ހަމަޖެހިފައިވާއިރު، ބިން ލިބޭތާ 35 މަސް ދުވަހުގެ ތެރޭގައި މަސައްކަތް ފަށަންޖެހެއެވެ. ރިސޯޓު ތަރައްޤީކުރާ ފަރާތްތަކަށް ވަރަށް ގިނަ ލުއިފަސޭހަތަކެއް ވަނީ ދީފައެވެ. އޭގެތެރޭގައި ކެޕިޓަލް އިންވެސްޓްމަންޓްގެ %15 އާ ހަމައަށް ޑިއުޓީ މަޢާފްކޮށްދިނުމުގެ އިތުރުން، ރިސޯޓު ތަރައްޤީކުރުމަށް ގެންނަ ފަރުނީޗަރާއި، ކިޗަން އެޕްލައިންސް އަދި އިލެކްޓްރޯނިކް ސާމާނުން ޑިއުޓީ މަޢާފު ދިނުމަށް ވަނީ ނިންމާފައެވެ.

ބީލަން ހުށަހެޅުމުގެ އެންމެ ފަހު ތާރީޚަކީ 03 ފެބްރުއަރީ 2026 ވާ އަންގާރަ ދުވަހުގެ ހެނދުނު 11:00 އެވެ. ބީލަން ފޮތް 23 ނޮވެންބަރު 2025 އިން ފެބްރުއަރީ 2026 ވާ ހޯމަ ދުވަހުގެ ނިޔަލަށް ވުޒާރާގެ ރިސެޕްޝަނުން ލިބެން ހުންނާނެއެވެ. މި މަޝްރޫޢާ ގުޅޭގޮތުން ޝައުގުވެރިވާ ފަރާތްތަކަށް ޚާއްސަކޮށްގެން ޑިސެމްބަރު މަހުގެ 9 ވަނަ ދުވަހުއާއި ޖަނަވަރީ މަހުގެ 6 ވަނަ ދުވަހު ދެ ވާރޗުއަލް ބައްދަލުވުމެއް ބޭއްވުމަށް ވެސް ވަނީ ހަމަޖެހިފައެވެ. ހަނިމާދޫ އިންޓަރނޭޝަނަލް އެއަރޕޯޓާއެކު އުތުރުގައި ފަތުރުވެރިކަން އިތުރަށް ކުރިއަރާނެ ކަމަށް ރައްޔިތުން އުންމީދުކުރެއެވެ.