Read Time:4 Minute, 0 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ސޮވެރިން ޑިވެލޮޕްމެންޓް ފަންޑު މިހާރު 126 މިލިޔަން ޑޮލަރަށް އިތުރުވެފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ސަރުކާރަށް ދެ އަހަރު ފުރުމާއި ގުޅިގެން ރައްޔިތުންނާއެކު ކުރިއަށް ނަމުގައި ބޭއްވި ޖަލްސާގައި ރައީސުލްޖުމްހޫރިއްޔާ ވަނީ ޤައުމުގެ މާލީ ހާލަތަށް އަލިއަޅުއްވާފައެވެ. އެމަނިކުފާނު ވިދާޅުވީ ކުރީ ސަރުކާރުން ބޮޑެތި ދަރަނިތައް ނަގާފައި ހުރީ ޤައުމަށް ގެއްލުންވާ ގޮތަށް ކަމަށެވެ. އެގޮތުން ބޮޑު އިންޓްރެސްޓުގައި ދަރުމަވަންތަ ހޮސްޕިޓަލް ހިމެނޭހެން ބައެއް ތަންތަން މޯގޭޖްކޮށް ދަރަނި ނަގާފައިވާކަމަށް އެމަނިކުފާނު ވިދާޅުވިއެވެ.
“ބޮޑު އިންޓްރެސްޓުގައި ދަރުމަވަންތަ ހޮސްޕިޓަލް ހިމެނޭހެން ބައެއް ތަންތަން މޯގޭޖްކޮށް ދަރަނި ނަގާފައިވޭ. އަޅުގަނޑުމެންގެ އެއްޗެއްސެއް ނޫން އެއީކީ ޑިފޯލްޓްވެއްޖެއިއްޔާ. އެހާ ނުރައްކާތެރި ހާލަތަކަށް ޤައުމު ވައްޓާލާފައި އޮތީ. އެހެން ނަމަވެސް ބަޖެޓު މެނޭޖް ކުރަމުން މިދަނީ ބޭނުންވާ މަޤްޞަދު ހާސިލްކުރަމުން. ރައްޔިތުން ބޭނުންވާ ތަރައްޤީ ގެނެސްދޭނަން ” ރައީސުލްޖުމްހޫރިއްޔާ ވިދާޅުވިއެވެ. ދައުލަތުން ބޮޑެތި ލޯނު ދައްކަން ޖެހޭއިރު ދަރަނި ދެއްކުމަށް ހަދާފައިވާ ސޮވެރިން ޑިވެލޮޕްމެންޓު ފަންޑުގައި މި ސަރުކާރު ހަވާލުވިއިރު ހުރީ އެންމެ 2 މިލިޔަން ޑޮލަރާއި 2.7 މިލިޔަން ރުފިޔާ ކަމަށް ރައީސުލްޖުމްހޫރިއްޔާ ވިދާޅުވިއެވެ. ނަމަވެސް މިއަހަރު މިހާތަނަށް އައިއިރު އެ ފަންޑުގައި 126 މިލިޔަން ޑޮލަރު އެބަހުރިކަމަށް ރައީސް ވިދާޅުވިއެވެ.
މީގެ އިތުރުން ދަރަނި ދެއްކުމަށާއި ބޭރުފައިސާގެ މައްސަލަތައް ހައްލުކުރުމަށް ބޭރުފައިސާގެ ޤާނޫނަށް ގެނެވުނު ބަދަލުގެ ތެރެއިން މިިދިޔަ އަހަރުގެ އޮކްޓޯބަރ މަހުން ފެށިގެން މިއަހަރުގެ އޮކްޓޯބަރ މަހުގެ ނިޔަލަށް 584 މިލިޔަން ޑޮލަރު ބޭންކުތަކަށް މާކުރެވިފައިވާކަމަށް ރައީސް ހާމަކުރެއްވިއެވެ. މިއާއެކު ދަރަނި ދެއްކުމާއި ސަރުކާރުން ހަމަޖައްސަންޖެހޭ އެހެނިން ބޭރު ފައިސާގެ ކަންކަން ހަމަޖެއްސުމަށް ބޭނުންކުރާ ރަސްމީ ރިޒާވުގައި 864 މިލިޔަން ޑޮލަރު އެބަހުރިކަމަށް ރައީސުލްޖުމްހޫރިއްޔާ ވިދާޅުވިއެެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0