Read Time:2 Minute, 45 Second
ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އިން ބޭއްވި “ދިވެހީންރާއްޖެ” ޖަލްސާއަކީ ފަހުގެ ތާރީޚެއްގައި ރާއްޖޭގައި ބޭއްވުނު އެންމެ ބޮޑު ސިޔާސީ އެއްވުމެއް ކަމަށްވާއިރު، އާޓިފިޝަލް ބީޗާއި އޭގެ ވަށައިގެންވާ މަގުތައްވެސް އެއްކޮށް ފުރާލައިފައިވިއެވެ. މި ޖަލްސާއިން ޕީއެންސީއަށް އޮތް ސިޔާސީ ބޮޑު ތާއީދު ފެނިގެން ދިޔައިރު، ރައީސް ޑރ. މުޙައްމަދު މުއިއްޒު ދައްކަވާފައިވަނީ ސިޔާސީ އެހެން ލީޑަރުންގެ އާދައާ ޚިލާފު ތަހުޒީބީ މިސާލެކެވެ. އެމަނިކުފާނު ވާދަވެރިންނަށް ބަހުގެ ހަމަލާދީ، ފުރައްސާރަކޮށް، ނުވަތަ ބިރުދެއްކުމުގެ ބަދަލުގައި، ސިޔާސީ ބަދަލު ނުހިފާނެ ކަމަށް ވިދާޅުވެ، ގައުމީ އެއްބައިވަންތަކަމާއި ހަމަޖެހުމަށް އިސްކަންދެއްވިއެވެ.
އެމަނިކުފާނުގެ ވާހަކަފުޅު ހުރީ ދިވެހީންގެ ކުރިއެރުމާއި ފާގަތިކަމަށް ސަރުކާރުން ކުރައްވާ މަސައްކަތްތަކާއި ކާމިޔާބީތަކުގެ މައްޗަށް ބިނާވެފައިއެވެ. ޖަލްސާއަށްފަހުވެސް ރައްޔިތުންނާ ބައްދަލުކޮށް، އެމީހުންގެ ބޭނުންތައް އައްސަވާލެއްވިއެވެ. ރައީސް މުއިއްޒުއަކީ ސިޔާސީ ބާރުވެރިކަން ހޯދުމަށްފަހު ސިޔާސީ ބަދަލުހިފުމުގެ އާދަ ނިމުމަކަށް ގެނެސް، ރައްޔިތުންގެ ވެރިކަން ރައްޔިތުންނަށްޓަކައި އިޚްލާސްތެރިކަމާއެކު ކުރައްވާ ލީޑަރެއްގެ ގޮތުގައި ފާހަގަކުރެވެއެވެ. ބޮޑެތި ނިންމުންތައް ނިންމުމުގައި ރައްޔިތުންގެ ހިޔާލު ހޯއްދަވައި، ރައްޔިތުންގެ ބޭނުންތަކަށް އިސްކަންދެއްވާކަން މި ޖަލްސާގެ ބޮޑުކަމުން ހާމަވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0