Read Time:1 Minute, 55 Second
(ފޮޓޯ ކްރެޑިޓްސް: ބީއެމްއެލް)
ސަރުކާރުން 206 ތަރައްގީގެ މަޝްރޫއެއް ހިންގަން 53 އަމިއްލަ ކުންފުންޏަކާ ހަވާލުކުރުމުން، އެ ކުންފުނިތަކަށް ބޭންކް އޮފް މޯލްޑިވްސް (ބީއެމްއެލް) އިން ލޯނު ދޫކުރާނީ އެ ބޭންކުގެ އުސޫލުތަކާއި ކްރެޑިޓް ޕޮލިސީތަކުގެ ތެރެއިން ކަމަށް ބުނެފި އެވެ. ބީއެމްއެލްގެ ބޯޑުން ފާސްނުކޮށް ލޯނު ދޫކުރާ ކަމަށް ދެކެވޭ ވާހަކަތައް އެ ބޭންކުން ދޮގުކޮށްފައިވާއިރު، ބޭންކުން އަމަލުކުރަނީ ބައިނަލްއަގުވާމީ އެންމެ ހަރުދަނާ މިންގަނޑުތަކާއި ކޯޕަރޭޓް ގަވަނަންސްއާ އެއްގޮތަށް ކަމަށް ހާމަކުރި އެވެ. ލޯނު ދެއްކުމުގެ ގާބިލުކަމާއި، ސިންގަލް އަދި ގްރޫޕް ބޮރޯވާ އެކްސްޕޯޝާ ފަދަ ކަންކަމަށް ބަލައި، ބޯޑުން ކަނޑައަޅާފައިވާ ހަމަތަކުގެ މަތިން ލޯނުތައް ދޫކުރާނެ ކަމަށް ވެސް ބީއެމްއެލްއިން ބުންޏެވެ. ފިނޭންސް މިނިސްޓަރު މޫސާ ޒަމީރު ވިދާޅުވީ މި މަޝްރޫއުތައް ހިންގާނީ ބޭންކިން ފައިނޭންސް މެދުވެރިކޮށް ކަމަށާއި، ކުންފުނިތަކަށް ބަރާބަރަށް ފައިސާ ލިބޭނެ ކަމުގެ ކަށަވަރުކަން ދެއްވާފައިވާ ކަމަށެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0