Read Time:2 Minute, 42 Second
(ފޮޓޯ ކްރެޑިޓްސް: އެމްޑީޕީ)
ބޮންޑު ނުވިއްކައި، ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ ހިއްސާ ވިއްކުމުން ސަރުކާރަށް މާ ފައިދާވާނެ ކަމަށް ކުރީގެ ރައީސް މުހައްމަދު ނަޝީދު ރޭ ވިދާޅުވެއްޖެއެވެ. ނަޝީދު އެހެން ވިދާޅުވީ އެކްސްގައި ކުރެއްވި ޕޯސްޓެއްގައެވެ. އެ ޕޯސްޓްގައި އެމަނިކުފާނު ވިދާޅުވީ ބޮޑު އިންޓްރެސްޓް ރޭޓެއްގައި ބޮންޑު ވިއްކަން މަސައްކަތްކުރުމުގެ ބަދަލުގައި ވީއައިއޭގެ ހިއްސާއިން ބައެއް ދިނުން މާ ރަނގަޅުވާނެ ކަމަށެވެ. ހިއްސާ ވިއްކައިގެން ލިބޭ އާމްދަނީ ސުކޫކު ދައްކާ ހަލާސްކުރަން ބޭނުންކުރެވޭނެ ކަމަށް ވިދާޅުވިއެވެ. އޭރުން ރާއްޖެއި އެހެން ގައުމުތަކަށް މިހާރު ދައްކަންޖެހިފައިވާ ދަރަނި ކުޑަކުރެވޭނެ ކަަމަށް ނަޝީދު ވިދާޅުވިއެވެ.
ނަޝީދު އެހެން ވިދާޅުވެފައިވާއިރު ވީއައިއޭގެ ހިންގުން 25 އަހަރަށް އިންޑިއާގެ ޖީއެމްއާރަށް ނޮވެމްބަރު، 25، 2010 ގައި ހަވާލުކުރީ އެމަނިކުފާނުގެ ވެރިކަމުގައެވެ. އެ އެއްބަސްވުން ބާތިލްކުރީ ކުރީގެ ރައީސް ޑރ. މުހައްމަދު ވަހީދު ހަސަން މަނިކުގެ ސަރުކާރުގައި ނޮވެމްބަރު، 27، 2012 ގައެވެ. އެ އެއްބަސްވުން ބާތިލް ކުރުމުގެ ސަބަބުން ޖީއެމްއާރްއަށް ރާއްޖެއިން ބޮޑު ބަދަލެއް ވެސް ދައްކަން ޖެހުނެވެ. އެކަމާއި ގުޅިގެން ނަޝީދު ފަހުން ވިދާޅުވީ ޖީއެމްއާރު އަތުން އެއާޕޯޓު ނެގުމުގެ ސަބަބުން ރާއްޖޭގެ އިގްތިސޯދަށް ބޮޑު ގެއްލުމެއްވި ކަމަށެވެ. އަދި އެމްޑީޕީއިން ވެސް ވަނީ ޖީއެމްއާރް އަތުން އެއާޕޯޓް ނެގުން ކުށްވެރިކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0