Read Time:2 Minute, 30 Second
(ފޮޓޯ ކްރެޑިޓްސް: މިހާރު)
ސަރުކާރުން ހދ. ހިރިމަރަދޫ މީހުން ހަނިމާދޫއަށް ބަދަލުކުރަން ނިންމާފައިވިޔަސް، ރަށުގައި މީހުން ދިރިއުޅޭހާ ހިނދަކު އަސާސީ ހިދުމަތްތައް ގާއިމްކޮށްދޭނެ ކަމަށް ރައީސް އޮފީހުގެ ތަރުޖަމާނު ހީނާ ވަލީދު މިއަދު ވިދާޅުވެއްޖެ އެވެ. ރައީސް ޑރ. މުހައްމަދު މުއިއްޒު ވަނީ ކުރިއަށް އޮތް ދޮޅު އަހަރުގެ ތެރޭގައި ހިރިމަރަދޫއިން މީހުން ހުސްކޮށް ހަނިމާދޫއަށް ބަދަލުކުރާނެ ކަމަށް އިއުލާން ކުރައްވާފަ އެވެ.
މިގޮތުން ހަނިމާދޫގައި ގެދޮރާއި މުނިސިޕަލް ހިދުމަތްތައް ގާއިމްކުރުމަށް އެޗްޑީސީއާ ވަނީ ހަވާލުކޮށްފަ އެވެ. ނަމަވެސް، މީހުން ބަދަލުކުރަން ނިންމާފައިވާ ރަށެއްގައި ކުނި މެނޭޖުކުރާ ސެންޓަރެއް 4.1 މިލިއަން ރުފިޔާ ޚަރަދުކޮށްގެން އަޅަން ބިލްޑްޓެކް ކުންފުންޏަކާ ސަރުކާރުން ހަވާލުކުރުމުން ގިނަ ފާޑުކިޔުންތަކެއް އަމާޒުވެފައިވެ އެވެ. ހީނާ ވިދާޅުވީ އަސާސީ ހިދުމަތްތައް ފޯރުކޮށްދޭނެ ކަމަށް ނަމަވެސް އެ މަޝްރޫއަކީ އިސްރާފެއްތޯ ކުރެވުނު ސުވާލަށް ވަކި ޖަވާބެއް ނުދެއްވަ އެވެ. ހިރިމަރަދޫއަކީ އެ އަތޮޅުގެ ރަށްރަށުގެ ތެރެއިން އެންމެ އާބާދީ ކުޑަ ރަށް ކަމަށްވާއިރު، އެންމެ ފަހުގެ ބޯހިމެނުމުން އެ ރަށުގައި ދިރިއުޅެނީ 293 މީހުންނެވެ. ރައީސް ވިދާޅުވީ ބަދަލުވާން މަޖުބޫރު ކުރުމެއް ނެތް ނަމަވެސް، ހިރިމަރަދޫން ގޯތި ދޫކުރުން ވަނީ މިހާރު ހުއްޓުވާފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0