Read Time:1 Minute, 51 Second
(ފޮޓޯ ކްރެޑިޓްސް: ސައުދީ އެމްބަސީ)
ސައުދީ އަރަބިއްޔާއިން ރާއްޖެއަށް 300 އަށް ވުރެ ގިނަ ސްކޮލަޝިޕް ހުޅުވާލައިފި އެވެ. މީގެ ތެރޭގައި ސައުދީގެ ޔުނިވަރސިޓީތަކުން 11 ދާއިރާއަކުން ފުރަތަމަ ޑިގްރީއަށް ކިޔެވުމުގެ 318 ފުރުސަތު ހިމެނެ އެވެ. މި ދާއިރާތަކުގެ ތެރޭގައި ބިޒްނަސް މެނޭޖްމަންޓް، މީޑިއާ، ކޮމްޕިއުޓާ ސައިންސް، ލޯ ސައިންސް، އެޑިއުކޭޝަން، ސޯޝަލް ސައިންސަސް، ދަނޑުވެރިކަން، އިކޮނޮމިކް އަދި ޕޮލިޓިކަލް ސްޓަޑީޒް، އިންޖީނިއަރިން، އިސްލާމިކް ފީލްޑް ސްޓަޑީޒް، އަދި އަރަބިކް ސްޓަޑީޒް ފަދަ ދާއިރާތައް ހިމެނެ އެވެ.
މީގެ އިތުރުން، ސައުދީން ވަނީ ރާއްޖޭގައި ހުންނަ އިމާމް ޔުނިވަރސިޓީ ކެމްޕަހުގައި ހިލޭ ޑިޕްލޮމާ ކިޔެވުމުގެ ފުރުސަތު ވެސް ހުޅުވާލާފަ އެވެ. ހަމައެކަނި ފިރިހެނުންނަށް ހާއްސަ މި ފުރުސަތަށް އެދުމަށް ދެ ހަފުތާގެ މުއްދަތެއް ދީފައިވާއިރު، މި ކޯހުގައި ކިޔަވައިދޭނީ އަރަބި ބަހަށް ތައްޔާރުވުމެވެ. ދެ އަހަރުގެ މި ކޯހުގެ ކިޔެވުން އަންނަ ޑިސެމްބަރު 28 ގައި ފަށާނެ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0