Read Time:3 Minute, 9 Second
(ފޮޓޯ ކްރެޑިޓްސް: މިހާރު)
ސަރުކާރުގެ އަންނަ އަހަރުގެ ބަޖެޓުން އޮފީސް ކުއްޔަށް 178.3 މިލިއަން ރުފިޔާ ހޭދަކުރަން ހިމަނާފައިވާއިރު، މިދިޔަ އަހަރުވެސް ހޭދަކޮށްފައިވަނީ ހަމަ މި އަދަދަށެވެ. މި ހޭދައިގެ ތެރެއިން އެންމެ ބޮޑު ބަޔަކީ އެކި ގައުމުތަކުގައި ގާއިމްކޮށްފައިވާ 19 ހައި ކޮމިޝަންތަކުގެ ކުލި ކަމަށްވާ 53 މިލިއަން ރުފިޔާ އެވެ. މިއީ ސަރުކާރުގެ އޮފީސްތަކުގެ ޖުމްލަ ކުލީގެ 30 އިންސައްތައެވެ. ދައުލަތުގެ 32 އިދާރާއަކަށް ބޭނުންވާ 97 އޮފީހެއް ހިންގުމަށް މި ބަޖެޓުން ހޭދަކުރެ އެވެ. އޭގެ ތެރެއިން މާލޭގައި 28 އިދާރާއަށް 46 އަމިއްލަ ތަން ކުއްޔަށް ނަގާފައިވާއިރު، އެހެން ރަށްރަށުގައި 9 އިދާރާއަށް 32 ތަން ކުއްޔަށް ނަގާފައިވެ އެވެ. މާލޭގައި ހިންގާ އޮފީސްތަކުގެ ކުއްޔަށް 88 މިލިއަން ރުފިޔާ ހޭދަކުރެވޭއިރު، އަތޮޅުތަކުގެ ކުއްޔަށް ފަސް މިލިއަން ރުފިޔާ ހޭދަކުރެ އެވެ.
އެމްބަސީތަކުގެ އިތުރުން ކުލީގެ ހަރަދު އެންމެ ބޮޑު އިދާރާތަކަކީ އިމިގްރޭޝަން (8.3 މިލިއަން ރުފިޔާ)، އެންސްޕާ (7.9 މިލިއަން ރުފިޔާ)، އަދި އޮޑިޓް އޮފީސް (7.8 މިލިއަން ރުފިޔާ) އެވެ. މި ދެ އިދާރާ ހިންގަނީ މ. ސްޓާ ކްލައުޑް ބިލްޑިންގްގައެވެ. ފިނޭންސް މިނިސްޓްރީން ބުނެފައިވާ ގޮތުގައި، އޮފީސް ބޭނުމަށް ކުއްޔަށް ހިފާފައިވާ އިމާރާތްތަކުގެ އަކަފޫޓަކަށް ޖެހޭ އެވްރެޖް އަހަރީ ކުއްޔަކީ 400 ރުފިޔާ ނަމަވެސް، 22 އޮފީސް އިމާރާތަކަށް މި އަދަދަށްވުރެ ބޮޑު އަގެއް ދައްކަން ޖެހެއެވެ. މާލޭގައި ކުއްޔަށް ނަގާފައިވާ ތަންތަނުގެ ޖުމްލަ ހަރަދުގެ 73 އިންސައްތަ (64 މިލިއަން ރުފިޔާ) ހޭދަވަނީ މި 22 އޮފީހަށެވެ.
ކުލީގެ ހަރަދުތައް ކުޑަކުރުމަށްޓަކައި، އެޗްޑީސީ މެދުވެރިކޮށް އޮފީސް އިމާރާތްތައް އެޅުމުގެ މަސައްކަތް ވަނީ ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0