Read Time:2 Minute, 26 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ރައްޔިތުންގެ މަޖިލީހުގެ ހުޅުދޫ ދާއިރާގެ ޕީއެންސީ މެންބަރު މުހައްމަދު ޝާހިދު މިއަދު ގޮވާލެއްވީ މާލޭ ދަފްތަރު އުވާލުމަށެވެ. އޭނާ ވިދާޅުވީ މާލޭ ދަފްތަރަކީ ސިޔާސީ ވެރިން ވޯޓު ހޯދަން އުފައްދާފައިވާ އެއްޗެއް ކަމަށެވެ. މިކަން އޭނާ ހާމަކުރެއްވީ، ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުން ހިންގި ގެދޮރުވެރިޔާ ސްކީމުގެ ފްލެޓް ލިބުނު ގިނަ ބަޔަކަށް ފްލެޓް ލިބުން ލަސްވާތީ ކެންދޫ ދާއިރާގެ އެމްޑީޕީ މެންބަރު މައުރޫފް ޒާކިރު ހުށަހެޅުއްވި ގަރާރަށް ބަހުސްކުރައްވަމުންނެވެ.
ޝާހިދު ވިދާޅުވި ގޮތުގައި އޭނާ ނިސްބަތްވާ ހުޅުދޫގެ ގިނަ ރައްޔިތުން ދަފްތަރުގައި ހިމެނޭއިރު، އެ ރައްޔިތުންނަށް އުފަން ރަށާ ގުޅޭ ނިންމުންތަކުގައި ވޯޓު ނުލެވޭ ކަމަށާއި، މާލެއިން ފްލެޓެއް ވެސް އަދި ބޭސްފަރުވާއާއި ދަތުރުފަތުރުފަދަ އެހެން އެއްވެސް ޚިދުމަތެއް ވެސް ނުލިބޭ ކަމަށެވެ. އެހެންކަމުން މި ދަފްތަރު ވަގުތުން އުވާލަން ޖެހޭ ކަމަށް އޭނާ ގޮވާލެއްވިއެވެ. މީގެ އިތުރުން ފްލެޓާއި ގޯތި ދިނުމުގެ ކަންތައް ސިޔާސީ ނުފޫޒުން ދުރުކުރުމަށްޓަކައި، އެ މަސައްކަތް ބޭރު ބަޔަކާ ހަވާލުކުރުމަށް ވެސް ޝާހިދު ގޮވާލެއްވިއެވެ. މިހާރު ޕާޓީގެ އޮފީހުން ފްލެޓް ލިސްޓް ތައްޔާރުކުރާ ކަމަށް ވެސް އޭނާ ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0