Read Time:3 Minute, 33 Second
(ފޮޓޯ ކްރެޑިޓްސް: އިސްލާމިކް އެފެއާރޒް)
މާލޭގައި އަޅާ ދާރުލްއަރުގަމް ވަގުފް އިމާރާތުގެ މަސައްކަތް، ރަޝީދު ކާޕެންޓްރީ އެންޑް ކޮންސްޓްރަކްޝަން (އާރުސީސީ) އާ، މިއަދު ހަވާލުކޮށްފި އެވެ. މި އެއްބަސްވުމުގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އާއި އާރުސީސީގެ ޑެޕިއުޓީ މެނޭޖިން ޑިރެކްޓަރު އާދަމް ރަހީމް ވަނީ ސޮއިކުރައްވާފައެވެ. ޒަމާނީ ވަސީލަތްތަކާއެކު 12 ފަންގިފިލާއަށް ތަރައްގީކުރާ މި އިމާރާތުގެ ބޭސްމަންޓާއި ގްރައުންޑުގައި ޕާކިންގ ހުންނާނެއެވެ. ފުރަތަމަ ފަންގިފިލާ ރިސެޕްޝަނަށާއި ދެވަނަ ފަންގިފިލާ ކޮންފަރެންސް ހޯލަކަށް ހާއްސަކުރެވި، އެހެން ފަންގިފިލާތަކުގައި އޮފީސް ބައިތަކާއި މީޓިންގ ރޫމްތައް ހުންނާނެއެވެ. ނަމާދުކުރާ ކޮޓަރިއާއި ރޫފްޓޮޕް ހަދަނީ އޯޕަން ޓެރަސްއެއްގެ ގޮތުގައެވެ. މީގެ އިތުރުން ލިފްޓާއި ހާއްސަ އެހީއަށް ބޭނުންވާ މީހުންނަށް ފަސޭހައިން ވަދެނިކުމެ ހެދޭނެ އިންތިޒާމުތައް ވެސް ހުންނާނެއެވެ.
މި މަޝްރޫއަކީ ރާއްޖޭގެ އިސްލާމީ ހިދުމަތަށް މުހިއްމު ދައުރެއް އަދާކުރާނެ މަޝްރޫއެއް ކަމަށް މިނިސްޓަރު ޝަހީމް ވިދާޅުވިއެވެ. އިމާރާތުން ލިބޭ އާމްދަނީގެ 20 ޕަސެންޓް ޒަކާތު ފަންޑަށް އަދި 80 ޕަސެންޓް އިސްލާމީ ވަގުފް ފަންޑަށް ޖަމާކުރެވޭނެއެވެ. މި އިމާރާތުން އަހަރަކު 10 މިލިއަނަށް ވުރެ ގިނަ ރުފިޔާ އާމްދަނީގެ ގޮތުގައި ލިބޭނެ ކަމަށް މިނިސްޓްރީން ލަފާކުރެއެވެ. މި މަސައްކަތް ނިންމުމަށް 540 ދުވަސް ދީފައިވާއިރު، ބީއެމްއެލް އިސްލާމިކް ފައިނޭންސްއިން ހަރަދުކުރާ މި މަޝްރޫއުގެ އަގަކީ 39،462،545.08ރ. އެވެ. ސަރުކާރުން ވަނީ ތިން އަހަރުގެ ތެރޭގައި ރާއްޖޭގެ ހުރިހާ އަތޮޅެއްގައި ވަގުފް އިމާރާތްތައް ބިނާކުރުމަށް ނިންމާފައެވެ. އެގޮތުން މާލޭގެ އިތުރުން ހދ. ކުޅުދުއްފުށި، ގއ. ވިލިނގިލި، ގދ. ތިނަދޫ، ފުވައްމުލައް އަދި އައްޑޫގައި ވަގުފް މަޝްރޫއުތައް ފެށުމަށް ރައީސް ޑރ. މުހައްމަދު މުއިއްޒު ވަނީ ނިންމަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0