Read Time:2 Minute, 57 Second
(ފޮޓޯ ކްރެޑިޓްސް: އެމްއޯސީ)
ބަހްރެއިންގެ މަނަމާގައި ކުރިއަށްދާ ތިންވަނަ އޭޝިއަން ޔޫތު ގޭމްސް 2025 ގެ އަންހެން 200 މީޓަރު ދުވުމުގެ ހީޓްތަކުގައި ވާދަކޮށް، ރާއްޖޭގެ މައިހާ ހަމްދާން ފުރަތަމަ ބައިނަލްއަގުވާމީ ތަޖުރިބާ ހޯދި އިރު، ލުހްޔާ އަހުމަދު ޕާސަނަލް ބެސްޓް ޓައިމިންއެއްގައި ރޭސް ނިންމައިފިއެވެ.
މައިހާ މިއަދު ވާދަކުރީ 200 މީޓަރުގެ ދެވަނަ ހީޓްގައެވެ. މިއީ މައިހާއަށް ފުރަތަމަ ބައިނަލްއަގުވާމީ ތަޖުރިބާއެވެ. އޭނާ ވަނީ 28.44 ސިކުންތުން ރޭސް ފުރިހަމަކޮށްފައެވެ. ރޭހަށްފަހު މައިހާ ބުނީ ފުރަތަމަ ބައިނަލްއަގުވާމީ މުބާރާތެއްގައި ވާދަކުރެވުމަކީ ހިތްހަމަ ޖެހުމެއް ކަމަށާއި، ރަނގަޅު ކުރަން ވަރަށް ބައިވެރި ކަންތައްތަކެއް ދަސްވެއްޖެ ކަމަށެވެ. އަދި ޒުވާން އުމުރުގައި ގައުމު ތަމްސީލުކުރަން ލިބުނު ފުރުސަތަށް އުފާކުރާ ކަމަށް އޭނާ ބުންޏެވެ.
(ފޮޓޯ ކްރެޑިޓްސް: އެމްއޯސީ)
ލުހްޔާއަށް މިއަދުގެ ރޭހަކީ ކާމިޔާބު ރޭހެކެވެ. އޭނާ ތިންވަނަ ހީޓްގައި ވާދަކޮށް، 26.86 ސިކުންތުން ރޭސް ނިންމާފައިވާ އިރު، އެއީ ޕާސަނަލް ބެސްޓް ޓައިމިންއެކެވެ. އެ ޓައިމިންގައި ލުހްޔާ ރޭސް ނިންމާލީ ތިންވަނައިގައެވެ. އޭނާ ވަނީ ފައިނަލް ހީޓްގެ ކޮލިފިކޭޝަނާ ގާތް ކޮށްފައެވެ.
ރޭހަށްފަހު ލުހްޔާ ބުނީ ބައިނަލްއަގުވާމީ ދެވަނަ ތަޖުރިބާގައި ޕާސަނަލް ބެސްޓް ޓައިމިންއެއްގައި ނިންމާލެވުމުން ވަރަށް ބޮޑަށް ހިތްހަމަ ޖެހުނު ކަމަށާއި، ކުރިއަށް އޮތް ރިލޭގައި ރާއްޖޭގެ ޓީމަށް ތަފާތު ދެއްކޭނެކަމުގެ ބޮޑު އުންމީދެއް އެބައޮތް ކަމަށެވެ. ރާއްޖޭގެ އެތުލެޓިކްސް ޓީމަށް މެޑްލޭ ރިލޭގެ ހީޓްތައް އޮންނާނީ މާދަމާއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0