Read Time:2 Minute, 46 Second
(ފޮޓޯ ކްރެޑިޓްސް: ކާވާ)
ބަނގްލަދޭޝްގައި މިހާރު ކުރިއަށްދާ ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) މެންސް ކަޕް 2025ގައި ނޭޕާލް ބަލިކޮށް، ރާއްޖޭގެ ގައުމީ ފިރިހެން ވޮލީބޯޅަ ޓީމުން މުބާރާތުގެ ފުރަތަމަ މޮޅު ހޯދައިފިއެވެ. މި މަހުގެ 22 އިން 28 ގެ ނިޔަލަށް، ބަނގްލަދޭޝްގެ ވެރިރަށް ޑާކާގައި ކުރިއަށްދާ މި، މުބާރާތުގައި އިއްޔެ ކުޅުނު މެޗުން ރާއްޖެ މޮޅުވީ ނޭޕާލް އަތުން ސީދާ ތިން ސެޓުންނެވެ. މި މެޗުގެ ސެޓުތައް ރާއްޖެއިން ގެންދިޔައީ 25-21، 25-23 އަދި 25-18 އިންނެވެ. މި މެޗުގެ ކުރިން މުބާރާތުގައި ކުޅުނު ފުރަތަމަ ދެ މެޗުންވެސް ރާއްޖެ ވަނީ ބަލިވެފައެވެ. އެގޮތުން މި މުބާރާތުގައި ކުޅުނު ފުރަތަމަ މެޗުން ރާއްޖެ ބަލިވީ ބަންގްލަދޭޝް އަތުން ސީދާ ތިން ސެޓުންނެވެ. މި މެޗުގެ ސެޓުތައް ބަންގްލަދޭޝްއިން ގެންދިޔައީ 25-21، 25-13 އަދި 25-21 އިންނެވެ. އަދި ދެވަނަ މެޗުގައި އަފްޣާނިސްތާން އަތުންވެސް ރާއްޖެ ބަލިވެފައިވަނީ ސީދާ ތިން ސެޓުންނެވެ. މި މެޗުގެ ސެޓުތައް އަފްޣާނިސްތާނުން ގެންދިޔައީ 25-17، 25-20 އަދި 25-12 އިންނެވެ.
މި މުބާރާތުގައި ހަ ޓީމެއް ވާދަކުރަމުން އަންނައިރު، ލީގު ބުރުގެ ހަތަރުވަނަ މެޗުގައި މާދަމާ ރާއްޖެ ނުކުންނާނީ ސްރީ ލަންކާއާ ދެކޮޅަށެވެ. މި މުބާރާތް ރޭވިފައިވާ ގޮތުން ލީގު ބުރަށްފަހު، ފައިނަލަށް ދަތުރުކުރާނީ އެއްވަނަ އާއި ދެވަނަ ހޯދާ ޓީމުންނެވެ. އަދި ތިންވަނަ އާއި ހަތަރުވަނަ ހޯދާ ދެ ޓީމުން ލޯ މެޑެލް މެޗުގައި ވާދަކުރާއިރު، ފަސްވަނަ އާއި ހަވަނައިގައި ނިންމާ ދެ ޓީމުން ކުޅޭނީ ރޭންކިން މެޗެކެވެ
Happy
0 %
Sad
50 %
Excited
0 %
Sleepy
50 %
Angry
0 %
Surprise
0 %
0
0