ބޮޑުތަކުރުފާނު މަގު ހެދުން: ފެން ހިންދާ ނިޒާމްގެ %50 މަސައްކަތް ނިމިއްޖެ

Read Time:3 Minute, 35 Second

(ފޮޓޯ ކްރެޑިޓްސް: އެމްޓީސީސީ)

ބޮޑުތަކުރުފާނުމަގު އުތުރު ފަރާތް ހަތަރު ލޭނަކަށް ތަރައްގީ ކުރުމުގެ މަޝްރޫއުގެ ދަށުން ތަރައްގީކުރާ ފެންހިންދާ ނިޒާގެ 50 އިންސައްތަ މަސައްކަތް ނިމިއްޖެއެވެ. އެމްޓީސީސީންއިން ވިދާޅުވީ ބޮޑުތަކުރުފާނުމަގު ތަރައްގީކުރުމުގެ މަސައްކަތުގެ ދަށުން ފެން ހިންދާ ނިޒާމުގެ މަސައްކަތްތަކާއި ހޮޅި އެޅުމުގެ މަސައްކަތުގެ 50 އިންސައްތަ ނިންމާފައިވާ ކަމަށެވެ. އަދި މަގުގެ އުޅަނދުތައް ދުއްވާ ބައިގެ މަސައްކަތްތަކާއި ދުވާރުތައް ކޮމްޕެކްޓް ކުރުމުގެ މަސައްކަތް ވެސް ކުރިއަށްދާ ކަމަށެވެ. އެމްޓީސީސީއިން ވިދާޅުވީ ކޭބަލް ޓްރެންޗް އިންސްޓޯލް ކުރުމުގެ 50 އިންސައްތަ ނިންމާފައިވާ ކަމަށެވެ. އަދި ބަނދަރުގެ އެއްގަމު ތޮށީގެ ކޮންކްރީޓް މަސައްކަތްތައް ވެސް ނިންމާފައިވާ ކަމަށެވެ.

The Stormwater management system’s pump station works are currently ongoing, with the installation of catchpits and settlement tanks, along with laying of pipes, now 50% completed.

Subgrade works of the Carriageway and compaction of the sidewalks are also ongoing, with 50% of… pic.twitter.com/87jJB2O3wF

— MTCC Plc (@MTCCPlc) October 18, 2025

ބޮޑުތަކުރުފާނު މަގު ޒަމާނީ ފެންވަރަށް ހެދުމުގެ އަމަލީ މަސައްކަތް ފެށީ އޮގަސްޓް މަހުގެ 22 ވަނަ ދުވަހެވެ. ތިން ސެގްމަންޓަކަށް ބަހާލައިގެން ކުރިއަށްގެންދާ މި މަސައްކަތުގެ ދަށުން 830 މީޓަރުގެ މަގެއް ހަދާއިރު 737 މީޓަރުގެ ސަރަހައްދެއްގައި ޝީޓް ޕައިލް މަސައްކަތް ކުރާނެއެވެ. އަދ،ި ތާރު އަޅައި ސަބްބޭސް ތައްޔާރު ކުރުމާއ،ި ހިނގާ މީހުންނަށް ވަކި ލޭނެއް ގާއިމުކުރުމާއި ފެންހިންދާ ނިޒާމެއްވެސް ގާއިމު ކުރެވޭނެއެވެ. މިއީ 144,509,024.16 މިލިއަން ރުފިޔާގެ މަޝްރޫއެކެވެ. މި މަޝްރޫއު އެމްޓީސީސީއާ ހަވާލުކޮށްފައިވަނީ މިއަހަރު އޭޕްރީލް މަހުގައެވެ.

މި މަޝްރޫއުގެ ދަށުން ބޮޑުތަކުރުފާނުމަގު އުތުރު ފަރާތުން ފުޅާކޮށް 4 ލޭންއަށް މަގު ހެދުމާއި 830 މީޓަރުގެ މަގުގައި ތާރު އެޅުމާއި (ހުޅުމާލެ ފެރީ ޓާމިނަލުން ފެށިގެން ލޯކަލް މާރުކޭޓާ ހަމަޔަށް) ދުވާރުތައް ހެދުމުގެ އިތުރުން ފެން ހިންދާ ނިޒާމް ގާއިމުކުރާނެއެވެ. އަދި ރޯޑް މާކިން އަދި ސައިން ބޯޑް ހަރުކުރާނެއެވެ.