ސިނގިރޭޓް ވައްކަން: ދިގައްޔާއި އާއްޓެ އަށް ކުރަނީ ފަންޑުކުރި ކަމުގެ ތުހުމަތު!

Read Time:6 Minute, 14 Second

ކަސްޓަމްސް އަށް ދައްކަންޖެހޭ ފައިސާ މުއްދަތުގައި ނުދައްކާ ފަރާތްތަކުގެ ނަން އާއްމުކުރުމުގެ އުސޫލެއް މިއަދު ވަނީ ގެޒެޓްކޮށްފައެވެ. މި އުސޫލުގެ ދަށުން، ނަން ހާމަކުރެވޭނީ 10,000ރ އަށް ވުރެ ގިނައިން ފައިސާ ދައްކަންޖެހިފައިވާ ފަރާތްތަކުގެއެވެ. ނަން ހާމަކުރުމުގެ ކުރިން، ފުރަތަމަ ފިޔަވަޅަކީ ފައިސާ ދައްކަން ލިޔުމުން އެންގުމެވެ. މިކަން ކުރެވިދާނެ ގޮތްތަކުގެ ތެރޭގައި ސީދާ ލިޔުން ހަވާލުކުރުމާއި، އެޑްރެހަށް ފޮނުވުމާއި، ކަސްޓަމްސް ޕޯޓަލް ނުވަތަ އީމެއިލް މެދުވެރިކޮށް ފޮނުވުން ހިމެނެއެވެ. ނަން އާއްމުކުރެވޭ މައުލޫމާތުތަކުގެ ތެރޭގައި ފައިސާ ދައްކަންޖެހޭ ފަރާތުގެ ފުރިހަމަ ނަމާއި، ކަސްޓަމްސް ނުވަތަ ވިޔަފާރީގެ ރަޖިސްޓްރީ ނަންބަރު، އަދި ނުދައްކާ ހުރި ފައިސާގެ އަދަދާއި ބާވަތް ހިމެނެއެވެ. މި މައުލޫމާތުތައް ޝާއިއުކުރެވޭނީ ސަރުކާރުގެ ގެޒެޓާއި، ކަސްޓަމްސްގެ ވެބްސައިޓް އަދި ސޯޝަލް މީޑިއާގައެވެ.

މި އުސޫލުގައިވާ ގޮތުން، ކޮންމެ މަރުހަލާއެއްގެ ދެމެދުގައި 15 ދުވަހުގެ މުއްދަތެއް ދިނުމަށްފަހު، ފައިސާ ދައްކަން އަންގާފައި ނުދައްކާ އަދި ބަހާލައިގެން ދެއްކުމަށް އެއްބަސްނުވާ ފަރާތްތަކުގެ ނަން ހާމަކުރެވޭނެއެވެ. ނަމަވެސް، ދައުލަތުގެ އިދާރާތަކާއި، ސަރުކާރުގެ ބޮޑު ހިއްސާ އޮންނަ ކުންފުނިތަކާއި، ދައުލަތުގެ މަޝްރޫއު ހިންގާ ކުންފުނިތަކާއި، ފައިސާ ދައްކަންޖެހިފައި ވަނިކޮށް ނިޔާވާ މީހުންނަށް މި އުސޫލުން އިސްތިސްނާވާނެއެވެ. މިދިޔަ އަހަރުގެ އޭޕްރީލް މަހު ކަސްޓަމްސް އިން ހިފެހެއްޓި 13.6 މިލިއަނަށް ވުރެ ގިނަ ސިނގިރެޓް އެމްޕީއެލް ބަނދަރުން ވަގަށް ނެގި މައްސަލާގައި، އެ ވައްކަން ކުރުމަށް ފަންޑުކުރި ކަމުގެ ތުހުމަތުގައި މަޝްހޫރު ދެ ވިޔަފާރިވެރިން ކަމަށްވާ އެޕޯލޯ ކުންފުނީގެ ވެރިޔާ މުހައްމަދު ވަހީދު (ދިގަލި) އާއި ލޮޓަސް ފިހާރަތަކުގެ ވެރިޔާ އަހުމަދު އާރިފް (އާއްޓޭ) ވަނީ ހައްޔަރުކޮށްފައެވެ. ދިގައްޔަށް 10 ދުވަހުގެ ބަންދު މުއްދަތެއް ދީފައިވާއިރު، އާއްޓޭގެ ބަންދަށް 15 ދުވަސް ކޯޓުން ވަނީ އިއްޔެ ޖަހާފައެވެ. މި މައްސަލާގައި އިޖުރާޢަތްތަކާ އެއްގޮތަށް ހައްޔަރުކޮށްފައިވާ ކަމަށް ކްރިމިނަލް ކޯޓުގެ އަމުރުގައިވެއެވެ.

މީގެ އިތުރުން، ހުޅުމާލޭ ޕޯޓުގައި މަސައްކަތްކުރަމުން އައި ކަސްޓަމްސްގެ އިސް މުވައްޒަފެއް ކަމަށްވާ ޒިވާރު އިސްމާއިލާއި ކަސްޓަމްސްގެ ކުރީގެ ސީނިއާ ސުޕްރިންޓެންޑެންޓު މުއާޒު އަލީ ވެސް ހައްޔަރުކޮށް، ޒިވާރަށް 15 ދުވަހާއި މުއާޒަށް ފަސް ދުވަހުގެ ބަންދު މުއްދަތެއް ވަނީ ދީފައެވެ. މި ދެމީހުންގެ މައްޗަށް ތުހުމަތުކުރެވެނީ ސިނގިރެޓް ވަގަށް ނެގުމުގެ އޮޕަރޭޝަން ރާވައި ހިންގުމުގައި ބައިވެރިވި ކަމަށެވެ. މުއާޒަކީ މީގެ ކުރިން ވެސް ރިޝްވަތުގެ މައްސަލަތަކުގައި ތުހުމަތުކުރެވިފައިވާ މީހެކެވެ.

ސިނގިރެޓް ވަގަށް ނެގުމުގެ މައްސަލައާ ގުޅިގެން ޒިވާރާއި މުއާޒު ވަނީ މަގާމުން ސަސްޕެންޑުކޮށްފައެވެ. މީގެ އިތުރުން 12 މީހުން ފުރުން މަނާކޮށް، އެމްޕީއެލްގެ ހަ މުވައްޒަފަކު ވެސް ވަނީ ސަސްޕެންޑުކޮށްފައެވެ. އެމްޕީއެލް އިން ވަނީ ބަނދަރުތަކުގެ ސަލާމަތީ ކަންކަން ހަރުދަނާކުރަމުންދާ ކަމަށް ބުނެފައެވެ. ވަގަށް ނެގި ސިނގިރެޓްތައް، އެމްޕީއެލް ހުޅުމާލޭ ބަނދަރުގައި އޮތް ދޯންޏަކަށް އަރުވައިގެން ބޭރުކުރި ކަމަށާއި، ސީސީޓީވީ ކެމެރާތަކަށް ފޮރުވައިގެން މިކަން ކޮށްފައިވާ ކަމަށް މައުލޫމާތު ލިބެއެވެ. 13.6 މިލިއަން ސިނގިރެޓަށް 122 މިލިއަން ރުފިޔާގެ ޑިއުޓީ އަރާނެކަމަށް ކަސްޓަމްސް އިން ވަނީ ބުނެފައެވެ.