Read Time:3 Minute, 8 Second
(ފޮޓޯ ކްރެޑިޓްސް: މިހާރު)
މާލީ ދާއިރާގެ މާހިރުން ވިދާޅުވާ ގޮތުގައި، ކުރީގެ ސަރުކާރުތަކުން ނަގާފައިވާ ބޮންޑުތަކުގެ ތެރެއިން އަންނަ އަހަރު ރާއްޖެއިން ދައްކަންޖެހޭ 500 މިލިއަން ޑޮލަރު ދެއްކުމަކީ މިހާރުގެ މާލީ ހާލަތު ހުރި ގޮތުން ދަތިކަމަކަށް ނުވާނެއެވެ. ބީއެމްއެލްގެ ސްޓްރެޓެޖިކް ކޮންސަލްޓެންޓް އަބްދުﷲ ހަސަން ވިދާޅުވީ، މަރުކަޒީ ބޭންކުގެ ރިޒާވްގައި 800 މިލިއަން ޑޮލަރަށްވުރެ ގިނަ ފައިސާ ހުރި ކަމަށާއި، ސޮވަރިން ޑިވެލޮޕްމެންޓް ފަންޑުގައި ވެސް އެކަށީގެންވާ މިންވަރަކަށް ފައިސާ ހުރި ކަމަށެވެ. އަދި އަންނަ އަހަރުގެ އޭޕްރީލް މަހު ދައްކަންޖެހޭ 500 މިލިއަން ޑޮލަރުގެ ސުކޫކު ރިފައިނޭންސް ކުރެވޭނެ ގޮތް ހަމަޖެހިފައިވާ ކަމަށާއި، ފިނޭންސް މިނިސްޓްރީގައި އެކަމަށް ގިނަ ޕްލޭންތަކެއް ހުރި ކަމަށް އޭނާ ފާހަގަކުރެއްވިއެވެ.
މޯލްޑިވްސް އިސްލާމިކް ބޭންކުގެ ޗީފް ފައިނޭންސް އޮފިސަރު އަލީ ވާސިފް ވެސް މި ހިޔާލަށް ތާއީދުކުރައްވަމުން ވިދާޅުވީ، ދަރަނީގެ ބޮޑު ބައެއް ކަމަށްވާ ބައިލެޓްރަލް ދަރަނިތައް ރާއްޖެއަށް ރީސްޓްރަކްޗާކުރެވޭނެ ކަމަށާއި، އެއީ ގައުމުތަކާ ގުޅުން ރަނގަޅުކަމުން ލިބޭ ފަސޭހަތަކެއް ކަމަށެވެ. ރައްޔިތުންގެ މަޖިލީހުގެ މަހިބަދޫ ދާއިރާގެ މެންބަރު އަހުމަދު ތޯރިގު ވެސް ވިދާޅުވީ، ކުރީގެ ރައީސުން ދަރަނި ނުދެއްކި “ޑިފޯލްޓް” ވާނެ ކަމަށް ވިދާޅުވި ނަމަވެސް، މި ސަރުކާރުން ދަރަނި ދެއްކުމަށް ފައިސާ ބަހައްޓަމުންދާ ކަމަށެވެ. އަދި އިންޑިއާ އާއި ޗައިނާ ފަދަ ބޮޑެތި ގައުމުތަކަށް ދައްކަންޖެހޭ ދަރަނީގެ ބޮޑު ބައެއް ރައީސް މުއިއްޒުގެ މަޝްވަރާތަކަށް ފަހު ފަސްކުރެވިފައިވާތީ، ދަރަނި ދެއްކޭނެ ކަމުގެ ޝައްކުތައް މިހާރު ފިލާފައިވާ ކަމަށް ވެސް ތޯރިގު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0