Read Time:3 Minute, 14 Second
(ފޮޓޯ ކްރެޑިޓްސް: މިހާރު)
ގެދޮރުވެރިޔާ މަޝްރޫއުގެ ދަށުން ހުޅުމާލޭގައި ފަހި ދިރިއުޅުން ކޯޕަރޭޝަން (އެފްޑީސީ) އިން އިމާރާތްކޮށްފައިވާ ފްލެޓްތައް ހަވާލުކުރަން ފެށުމާއެކު، ބޮޑު އަގުގައި އެތަންތަން ކުއްޔަށް ދޭން އިއުލާން ކުރަން ފަށައިފި އެވެ. މިހާތަނަށް 78 ފްލެޓުގެ ތަޅުދަނޑި ހަވާލުކުރެވިފައިވާއިރު، ފެނާއި ކަރަންޓުގެ ހިދުމަތް ލިބިފައިވާތީ ދިރިއުޅެން ފެށޭނެ އެވެ. ނަމަވެސް، ފްލެޓް ލިބުނު މީހުންނާއި އެފްޑީސީއާ ދެމެދު ވެފައިވާ އެއްބަސްވުމުގެ ދަށުން، މިފަދަ ފްލެޓްތައް ކުއްޔަށް ދޫކުރުމަކީ މަނާކަމެކެވެ. އަދި އެއްބަސްވުމާ ހިލާފުވެއްޖެނަމަ ފްލެޓް އަތުލެވޭނެ ކަމަށް ވެސް ބަޔާންކޮށްފައިވެ އެވެ. މި ސްކީމަކީ ދަތި ހާލުގައި ދިރިއުޅޭ މީހުންނަށް ބޯހިޔާވަހިކަން ހޯދައިދިނުމަށް ހުޅުވާލި ސްކީމެކެވެ.
ޒަމްޒަމް ފާރިޝް ފަދަ ފަރާތްތަކުން ފޭސްބުކްގައި ކަންބޮޑުވުން ފާޅުކޮށް، މިފަދަ އަމަލުތަކަކީ ނިކަމެތިންގެ ހައްގުތަކުން މަހްރޫމްކުރުން ކަމަށް ބުނެފައިވެ އެވެ. ސަރުކާރުން ތިން ކޮޓަރީގެ ފްލެޓަކަށް 11،500ރ. ކަނޑައަޅާފައިވާއިރު، ބައެއް ފަރާތްތަކުން 25،000ރ. އަށް ކުއްޔަށް ދޭން އިއުލާންކުރެ އެވެ. ދެ ކޮޓަރީގެ ފްލެޓަށް މެއިންޓެނަންސް ފީއާއެކު 8،000ރ. ކަނޑައަޅާފައިވެ އެވެ. މި އަގުތަކަކީ މާލޭގެ އާންމު ކުލިތަކާ އަޅާބަލާއިރު ވަރަށް ހެޔޮ އަގުތަކެކެވެ. މިފަދަ އިއުލާންތަކުގައި ފްލެޓްގެ އަސްލު ނަން ނުޖެހިޔަސް، ސާފުކުރުމުން އެއީ އެފްޑީސީން ދޫކުރި ފްލެޓްތައްކަން އެނގެ އެވެ. ހިޔާ އަދި ވިނަރެސް ފްލެޓްތަކުގައި ވެސް މިފަދަ މައްސަލަތައް ކުރިމަތިވެފައިވާއިރު، ސަރުކާރުން ކުލި ނުދައްކައި ނުވަތަ ބޮޑު އަގުގައި ކުއްޔަށް ދޫކުރާ ފަރާތްތަކަށް އަދި މިހާތަނަށް އެކަށީގެންވާ ފިޔަވަޅެއް އަޅާފައި ނުވާކަން ފާހަގަކުރެވެ އެވެ.
Happy
0 %
Sad
0 %
Excited
0 %
Sleepy
0 %
Angry
100 %
Surprise
0 %
0
0