Read Time:3 Minute, 16 Second
(ފޮޓޯ ކްރެޑިޓްސް: ވަގުތު)
ސެޕްޓެމްބަރ 2025 ގެ ނިޔަލަށް ދިވެހިރާއްޖޭގެ ބޭނުންކުރެވޭ ރިޒާވް 200 މިލިއަން އެމެރިކާ ޑޮލަރަށްވުރެ މަތިވެ، ސޮވްރިން ޑިވެލޮޕްމަންޓް ފަންޑުގައި 100 މިލިއަން އެމެރިކާ ޑޮލަރަށްވުރެ އިތުރު ލިކުއިޑް ބެލެންސެއް މިވަގުތު ހިފެހެއްޓިފައިވާ ކަމަށް މާލީ ކަންކަމާއި ތަރައްޤީގެ ރޭވުންތެރިކަމާ ބެހޭ ވުޒާރާއިން ވިދާޅުވެއްޖެއެވެ.
ރިޒާވް 200 މިލިއަން ޑޮލަރަށްވުރެ މަތިވެ، ސޮވްރިން ޑިވެލޮޕްމަންޓް ފަންޑު 100 މިލިއަން ޑޮލަރަށްވުރެ އިތުރުވެފައިވާއިރު ރައީސް، ޑރ. މުހައްމަދު މުއިއްޒު ވަނީ، ސަރުކާރުން މާލީ ހަރުދަނާކަން އަލުން ގާއިމުކުރުމަށް ކުރަމުންދާ މަސައްކުރައްވަމުންދާކަމަށް ވިދާޅުވެފައެވެ. “17 ނޮވެމްބަރު 2023 ގައި ސަރުކާރު ހިންގުމާ އަޅުގަނޑުމެން ހަވާލުވިއިރު، ދިވެހި ވިޔަފާރިތައް މެދުވެރިކޮށް ކުރުވާ ފައިސާނުދީ ހުރި އެތައްހާސް ބިލުތައް ހިމެނޭހެން، ދިވެހި ސަރުކާރަށާއި ސަރުކާރު ހިއްސާވާ ކުންފުނިތަކަށް، ޤާނޫނުތަކާއި ޤަވާޢިދުތަކުގައި ކަނޑައަޅާފައިވާ އުޞޫލުތަކާ އެއްގޮތްވާ ގޮތުގެ މަތީން ހުށަހަޅާފައިވާ އެންމެހައި ބިލުތަކަށް އަދާކުރަންޖެހޭ ފައިސާ، ކުރިޔަށް އޮތް 5 ހަފްތާ ތެރޭ ދައްކާ ނިމޭނެކަން ދަންނަވަން. ފުން އަނދަވަޅެއްގައި އޭރު އޮތް ދިވެހި އިޤްތިޞާދު ނަގާ ކޮޅަށްޖެހުމުގައި ކުރެވެމުންދާ މަސައްކަތުގެ ތެރެއިން މިއީ ޙާސިލްކުރެވޭ ވަރަށް ބޮޑު ކާމިޔާބިއެއް،” ރައީސް ލިޔުއްވާފައިވެއެވެ.
މާލީ ކަންކަމާއި ތަރައްޤީގެ ރޭވުންތެރިކަމާ ބެހޭ ވުޒާރާއިން ވިދާޅުވެފައިވަނީ، ސަރުކާރުން މާލީ އިލްތިޒާމުތައް އަދާކުރުމަށް އަމާޒު ހިފައިގެން، ހަރުދަނާކަމާއި ކުރިއެރުން ޔަގީންކުރުމަށް އިސްލާހީ މަސައްކަތްތައް ކުރިއަށް ގެންދިއުމުގެ މަސައްކަތް މެދުކެނޑުމެއްނެތި ކުރިއަށްގެންދާ ކަމަށެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0