ސިފްކޯ އަދި ޕޮލްކޯއަކީ ޕްރައިވެޓް ކުންފުނިތަކެއް ނޫން! ކޮރަޕްޝަން ހިންގުން ހުއްޓުވަންޖެހޭ!

Read Time:4 Minute, 8 Second

(ފޮޓޯ ކްރެޑިޓްސް: މިހާރު)

ގަދަރުވެރި ސިފައިންނާއި ފުލުހުންގެ މުއައްސަސާތަކުގެ ތެރެއިން ހިންގަމުންދާ ކޮރަޕްޝަންގެ އަމަލުތައް ހުއްޓުވުމަށް ގޮވާލާފައިވާއިރު، އެ ދެ މުއައްސަސާގެ ކޯޕަރޭޓިވް ކަމަށްވާ ސިފްކޯ އާއި ޕޮލްކޯގެ ތެރެއިން ކޮރަޕްޝަންގެ ސީރިއަސް ތުހުމަތުތަކެއް ފެންމަތިވެފައިވާ ކަމަށް މި ރިޕޯޓްގައި ބަޔާންކޮށްފައިވެއެވެ. މި ކުންފުނިތައް އުފެއްދިފައިވަނީ އެ މުއައްސަސާތަކުގެ މަންފާއަށް ކަމަށްވިޔަސް، ޚާއްސަ އިނާޔަތްތަކާއި އިސްތިސްނާތަކުގެ ސަބަބުން ވިޔަފާރީގެ ތެރެއަށް ވަނުމުން ކޮރަޕްޝަނަށް ފަސޭހައިން ހުށަހެޅޭ ކަމަށް ފާހަގަކުރެވިފައިވެއެވެ. ރައްޔިތުންގެ މަޖިލީހުގެ މާލިއްޔަތު ކޮމިޓީން ވަނީ ޕޮލްކޯގެ ފްލެޓްތަކާ ގުޅޭ އޮޑިޓް ރިޕޯޓެއް ބަލަން ފަށާފައިވާއިރު، ސިފްކޯގެ އޮޑިޓް ރިޕޯޓެއްވެސް ދިރާސާ ކުރަމުންނެވެ. މާލިއްޔަތު ކޮމިޓީގެ މުގައްރިރު އަހުމަދު ނާޒިމް ވިދާޅުވާ ގޮތުގައި، ޕޮލްކޯގައި 400 މިލިއަނަށް ވުރެ ބޮޑު ކޮރަޕްޝަނެއް ފާހަގަކުރެވިފައިވާއިރު، ސިފްކޯގެ ހާލު އެއަށްވުރެވެސް ގޯސްއެވެ.

ފުލުހުންގެ ގާނޫނުގެ 125 ވަނަ މާއްދާގެ ށ. ގައި ބުނާ ގޮތުން، ފުލުހުންގެ ވެލްފެއާ ކަންކަން ކުރުމަށް ކޯޕަރޭޓިވްސް ފިޔަވައި އިތުރު ގާނޫނީ ޝަހްސެއް އުފައްދައި ވިޔަފާރި ކުރުން މަނާކޮށްފައިވެއެވެ. އަދި ގާނޫނަށް އަމަލުކުރަން ފަށާތާ ވަކި މުއްދަތެއްގެ ތެރޭގައި މިފަދަ ކުންފުނިތައް އުވާލުން ގާނޫނުން ލާޒިމްކުރެއެވެ. ނަމަވެސް، އޮޑިޓްކޮށް ކޮރަޕްޝަން ފަޅާއަރާނެތީ މި ތަންތަން އުވާނުލާ ދަނީކަމަށް ބެލެވެއެވެ. ކުރީގެ ޑިފެންސް މިނިސްޓަރު މުހައްމަދު ނާޒިމް ވެސް ވިދާޅުވެފައިވަނީ، ސިފައިންނާއި ފުލުހުން ވިޔަފާރީގެ ތެރެއަށް ވަދެގެންނުވާނެ ކަމަށާއި، މި ކުންފުނިތައް އުވާލައި، ގާނޫނުގައިވާ ޒިންމާތައް އަދާކުރަން ޖެހޭ ކަމަށެވެ.

ޕްރައިވަޓައިޒޭޝަން އެންޑް ކޯޕްރަޓައިޒޭޝަން ބޯޑު (ޕީސީބީ) ގެ ގާނޫނުގައި ސަރުކާރުގެ ހިއްސާ އޮންނަ އިދާރާތައް ބެލުމުގެ ބާރު އެ ބޯޑަށް ލިބިފައިވީ ނަމަވެސް، މިހާތަނަށް މި ކުންފުނިތައް ޕީސީބީން ބަލާފައެއް ނުވެއެވެ. މި މައްސަލަތައް ހައްލުކޮށް، ގާނޫނާ އެއްގޮތަށް ކަންކަން ހިންގައި، ކޮރަޕްޝަން މުލުން ލުހެލުމަށް ފިޔަވަޅު އެޅުން މުހިންމު ކަމަށް މި ރިޕޯޓްގައި ބަޔާންކޮށްފައިވެއެވެ.