Read Time:2 Minute, 44 Second
(ފޮޓޯ ކްރެޑިޓްސް: މިހާރު)
މްހޫރީ ޕާޓީގެ ލީޑަރު ގާސިމް އިބްރާހިމާއި އެމަނިކުފާނުގެ ދަރިކަލުން ސިޔާދު ގާސިމާ ގުޅޭގޮތުން ކުރީގެ ރައީސް ޔާމީން ދެއްކެވި ވާހަކަތަކަކީ ދޮގު ވާހަކަތަކެއް ކަމަށް ޖުމްހޫރީ ޕާޓީ (ޖޭޕީ) އިން ބުނެފިއެވެ. އަދި މިކަމާ ގުޅިގެން ޔާމީނާ ދެކޮޅަށް ގާނޫނީ ފިޔަވަޅު އަޅަން ވިސްނާ ކަމަށް ވެސް ޖޭޕީން ބުނެއެވެ. ޔާމީން “އަދަދު” އޮންލައިނަށް ދެއްވި އިންޓަވިއުއެއްގައި ވިދާޅުވެފައިވަނީ ގާސިމާއި ސިޔާދު ޖަލަށްލީ 2018 ވަނަ އަހަރު ފެބްރުއަރީ 1 ގައި އޭރުގެ ސުޕްރީމް ކޯޓުން ނެރުނު އަމުރާ ގުޅުވައިގެން ފަނޑިޔާރުންނަށް ރިޝްވަތު ދިން މައްސަލާގައި ކަމަށެވެ. ޔާމީން ތުހުމަތުކުރެއްވި ގޮތުގައި ފަނޑިޔާރުންނަށް މެލޭޝިއާއިން ގެއާއި ފްލެޓް ގަނެދިނީ ގާސިމާއި ސިޔާދު މެދުވެރިވެގެންނެވެ.
ޖޭޕީގެ ތަރުޖަމާނު އަލީ ސޯލިހު ވިދާޅުވީ ޔާމީންގެ ވާހަކަތަކަކީ ސާބިތު ނުހިފޭ ދޮގު ވާހަކަތަކެއް ކަމަށާއި، މިކަން ހަރުކަށިކޮށް ކުށްވެރިކުރައްވާ ކަމަށެވެ. އަދި ޔާމީނާ ދެކޮޅަށް ގާނޫނީ ފިޔަވަޅުތައް އަޅައިގެން ކުރިއަށްދާނެ ކަމަށް ވެސް ވިދާޅުވިއެވެ. ޔާމީންގެ ވެރިކަމުގައި، ކުރީގެ ރައީސް މައުމޫން އަބްދުލްގައްޔޫމާއި އެމަނިކުފާނުގެ ދަރިކަލުން އަހުމަދު ފާރިސް ޖަލަށްލީ ވެސް ފަނޑިޔާރުންނަށް ރިޝްވަތު ދިން މައްސަލާގައި ކަމަށް ޔާމީން ވަނީ ތުހުމަތުކުރައްވާފައެވެ. ނަމަވެސް މައުމޫނުގެ އޮފީހުން ވަނީ މިތުހުމަތުތައް ދޮގުކޮށް، ގާނޫނީ ފިޔަވަޅު އެޅުމަށް ވިސްނަމުންދާ ކަމަށް ބުނެފައެވެ.
Happy
0 %
Sad
50 %
Excited
50 %
Sleepy
0 %
Angry
0 %
Surprise
0 %
0
0