Read Time:3 Minute, 6 Second
ދިވެހި ފިލްމީ އިންޑަސްޓްރީގައި ބޮޑު މަގުބޫލުކަމެއް ހޯދަމުން އަންނަ ބަތަލާ އައިމިނަތް ރަޝްފާ (އާޝާ) ބުރުގާ އަޅަައިފިއެވެ. އާޝާ ބުރުގާ އަޅާފައިވަނީ މިދިޔަ މަހުގައި އޭނާގެ އާއިލާއެކު އުމްރާގެ މަތިވެރި އަޅުކަން އަދާ ކުރުމަށް ދިޔުމަށްފަހުއެވެ. އެގޮތުން އޭނާ ވަނީ ބުރުގާ އަޅައިގެން ހުރި ދެތިން ފޮޓޯއެއް އޭނާގެ މީސް މީޑިއާގެ އެކައުންޓްތަކުގައި ހިއްސާވެސް ކޮށްފައެވެ. އާޝާގެ މީސް މީޑިއާގައި ޕޯސްޓުކޮށްފައިވާ މި ފޮޓޯއާއި އިތުރު ވީޑިއޯއެއް ފިޔަވާ އޭނާގެ އިންސްޓަގްރާމުގައި ހުރި އެހެން ފޮޓޯ ވިޑިއޯ މިހާރު ވަނީ އެއްކޮށް ފޮހެލާފައެވެ. ދެން އޭނާގެ ފީޑުން ފެންނަނީ ފަލަސްތީނުގެ ވާހަކަ ކިޔައިދޭ ވީޑިއޯއެކެވެ. އާޝާ ވަނީ ފާއިތުވި ދެ އަހަރުގެ ތެރޭގައި ވެސް ފަލަސްތީނުގެ ރައްޔިތުންގެ ވާހަކަ މީސް މީޑިއާގައި ދައްކައި އެ މީހުންނަށް އެހީތެރިވުމަށް މަސައްކަތް ކޮށްފައެވެ. އޭގެ ތެރޭގައި ރާއްޖޭގައި ބޭއްވި އެކި ކަހަލަ ފަންޑްރެއިޒިން އިވެންޓުތަކުގައި އޭނާ ވަނީ ބައިވެރިވެފައެވެ.
އާޝާގެ ދިރިއުޅުމަށް ގެނެސްފައިވާ ބަދަލާ އެކު އޭނާ ފިލްމްތަކުން ފެންނާނެ ކަމެއް ނުވަތަ ނޫން ކަމެއް ސާފެއް ނުވެއެވެ. މި ވަގުތު އާޝާ ހުރީ ފިލްމީ ހުރިހާ ކަންތައްތަކުން ބްރޭކެއް ނަގައިގެންނެވެ. އެކްޓިންއާއި ފޮޓޯ އަދި މީސް މީޑިއާގެ އެކި ކަހަލަ ހަރަކާތްތަކުން އާޝާ ދުރަށް ޖެހިލުމަށް ނިންމާފައިވާ ކަމަށް މައުލޫމާތު ލިބެއެވެ. ދިވެހި ފިލްމުތަކާއި ޝޯތަކުން ވެސް ފެނިފައިވާ އާޝާ އާންމުންގެ ތެރޭގައި މަގުބޫލުކަން ހޯދީ ޓިކްޓޮކުންނެވެ. ޓިކްޓޮކްގެ މަގުބޫލުކަމާއި އެކު އޭނާގެ ފުރަތަމަ ފިލްމްމަކުން ފެނިގެން ގޮސްފައި ވަނީ ޑާކްރެއިންއިން 2019 ވަނަ އަހަރު ނެރުނު “ގޮށްރާޅު”ންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0