Read Time:2 Minute, 45 Second
ބޮލީވުޑްގެ އެންމެ މަޝްހޫރު ތަރިންގެ ތެރޭގައި ހިމެނޭ ސަލްމާން ޚާނަށް އަނެއްކާވެސް މަރުގެ އިންޒާރު ދީފިއެވެ. މުންބާއީ ފުލުހުން ބުނެފައި ވަނީ މި ފަހަރު ސަލްމާން އިންޒާރު ދީފައިވަނީ މުންބާއީގެ ވޯލީ ޓްރާންސްޕޯޓް ޑިޕާޓްމަންޓްގެ ވަޓްސްއެޕް ނަންބަރަކަށް މެސެޖެއް ފޮނުވައިގެންނެވެ. އިންޒާރު ދިން ފަރާތުން ބުނެފައިވަނީ ސަލްމާން ދިރިއުޅޭ ގެލެކްސީ އެޕާޓްމަންޓްސްއަށް ވަދެ އޭނާ މަރާލާނެ ކަމަށާއި، އަދި އޭނާގެ ކާރުގައި ބޮން ހަރު ކުރާނެ ކަމަށެވެ.
މި މައްސަލަ ފުލުހަށް ހުށަހަޅާފައިވާއިރު، ޝައްކުކުރެވޭ ފަރާތް ހޯދުމަށް ތަހުގީގު ކުރިއަށްދާ ކަމަށް ފުލުހުން ބުނެފައި ވެއެވެ. މި އިންޒާރަކީ ސަލްމާނަށް ފަހަކަށް އައިސް ލިބެމުންދާ އެތައް އިންޒާރުތަކުގެ ތެރެއިން އެންމެ ފަހުގެ އިންޒާރެވެ. މީގެ ކުރިން ވެސް އޭނާއަށް ވަނީ އެކި ފަހަރު މަތިން މަރުގެ އިންޒާރު ދީފައެވެ. މި ކަމާއި ގުޅިގެން މުންބާއީ ފުލުހުން ވަނީ ސަލްމާންގެ ސަލާމަތީ ކަންކަން ވަރުގަދަކޮށްފައެވެ. ފުލުހުން ބުނާ ގޮތުގައި މި މައްސަލައިގެ ސީރިއަސްކަން ދެނެގަނެ، އިތުރު ތަހުގީގު ކުރިއަށް ގެންދެވޭނެއެވެ. އަދި މިފަދަ އިންޒާރުތައް ދޭ ފަރާތްތަކާމެދު ގާނޫނީ ފިޔަވަޅު އެޅޭނެ ކަމަށްވެސް ފުލުހުން ބުނެފައިވެއެވެ.
ސަލްމާންގެ ފަރާތުން މި މައްސަލައާ ގުޅޭގޮތުން އަދި އެއްވެސް ބަޔާނެއް ދީފައެއް ނުވެއެވެ. ނަމަވެސް އޭނާގެ ގާތް މީހުން ބުނާ ގޮތުގައި މި އިންޒާރުތަކާއި ގުޅިގެން ސަލްމާން ވަނީ ވަރަށް ބޮޑަށް ކަންބޮޑުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0