Read Time:2 Minute, 18 Second
ބޮލީވުޑްގެ މަޝްހޫރު ތަރި އަދި މިހާރުގެ ލޯކް ސަބާ މެންބަރު ކަންގަނާ ރަނާވަތުގެ ގެއަށް މި މަހު ފޮނުވާފައިވާ ކަރަންޓު ބިލުގެ ބޮޑުކަމުން އޭނާ ހިތްހަމަނުޖެހުން ފާޅުކޮށްފިއެވެ. ކަންގަނާ ބުނީ، އޭނާ މިހާރު އެ ގޭގައި ދިރިނޫޅޭއިރު، ކަރަންޓު ބިލަށް އެހާ ބޮޑު އަދަދެއް އަރާފައިވާތީ އެކަމާމެދު ހައިރާންވެފައިވާ ކަމަށެވެ. މަޖިލިސް މެންބަރަކަށް ވުމާ ގުޅިގެން ކަންގަނާ މިހާރު ދިރިއުޅުއްވަނީ ނިއު ދިއްލީގައެވެ. ފާއިތުވި އަންގާރަ ދުވަހު އޭނާގެ ދާއިރާ، މަންޑީގައި ބޭއްވުނު ސިޔާސީ އެއްވުމެއްގައި ކަންގަނާ ވިދާޅުވީ މި މަހު އޭނާގެ ގެއަށް އާދަޔާ ޚިލާފު ބޮޑު ކަރަންޓު ބިލެއް ފޮނުވާފައިވާ ކަމަށެވެ. އިންޑިއާގެ މަނާލީގައި ހުންނަ އޭނާގެ ގެއަށް މި މަހު ފޮނުވާފައިވާ ކަރަންޓު ބިލަށް 100،000 ރުޕީސްއަށް ވުރެ ގިނަ އަދަދެއް އަރާފައިވާ ކަމަށް އޭނާ ހާމަކުރެއްވިއެވެ.
ކަރަންޓު ބިލުގެ ބޮޑުކަމާ ގުޅިގެން ކަންގަނާ ވަނީ ހިމާޗަލް ޕްރަދަލް ޕްރަދޭޝް ސްޓޭޓުގެ ސަރުކާރަށް ހަރުކަށި އިބާރާތުން ފާޑުކިޔުއްވާފައެވެ. އަދި އޭނާ ވިދާޅުވެފައިވަނީ މިއީ ވަރަށް ހިތާމަވެރި ކަމެއް ކަމަށާއި، އިންޑިއާގެ މި ސްޓޭޓުގެ ކަންކަން ރަނގަޅު މަގަށް އެޅުވުމަށް ގިނަގުނަ މަސައްކަތްތަކެއް ކުރަން ޖެހިފައިވާ ކަމަށެވެ.
Happy
50 %
Sad
0 %
Excited
50 %
Sleepy
0 %
Angry
0 %
Surprise
0 %
0
0