Read Time:2 Minute, 15 Second
ހޮލީވުޑްގެ މަޝްހޫރު ފްރެންޗައިޒް ފިލްމެއް ކަމަށްވާ ފިލްމު މިޝަން އިމްޕޮސިބަލް 8 ގެ ޓްރެެއިލަރ ނެރެފިއެވެ. ހޮލީވުޑްގެ ފިލްމުތަކަށް ލޯބިކުރާ މީހުން މި އަހަރު އެންމެ އިންތިޒާރުކުރާ ފިލްމުތަކުގެ ތެރޭގައި ހިމެނޭ މި ފިލްމު ސިނަމާތަކަށް ދޫކޮށްލަން ހަމަޖެހިފައި ވަނީ އަންނަ މަހުގެ 23 ގައެވެ. “މިޝަން އިމްޕޮސިބަލް: ދަ ފައިނަލް ރެކޮނިން” ޑައިރެކްޓްކުރީ މި ސީރީޒްގެ އެންމެ ފަހުގެ ތިން ފިލްމު ވެސް ޑައިރެކްޓްކުރި ކްރިސްޓޮފާ މެކްއަރީއެވެ. އޭނާ 2023 ގައި ގެނެސްދިން “މިޝަން އިމްޕޮސިބަލް: ޑެޑް ރެކޮނިން” އަކީ ބޮކްސް އޮފީހުގައި 570.6 މިލިއަން ޑޮލަރުުގެ އާމްދަނީއެއް ހޯދި ފިލްމެކެވެ. ފިލްމު އުފެއްދީ 219 މިލިއަން ޑޮލަރުގެ ބަޖެޓަކުންނެވެ.
ޖުމްލަ 400 މިލިއަން ޑޮލަރުގެ ބަޖެޓަކުން ހަދާފައިވާ “މިޝަން އިމްޕޮސިބަލް: ދަ ފައިނަލް ރެކޮނިން” ގެ ކާސްޓްގައި ވަނެސާ ކާބީ، ސައިމަން ޕެގް، ހޭލީ އެޓްވެލް، ވިންގް ރޭމްސް، ހެންރީ ޒެމީ އަދި އެންޖެލާ ބެސޭ ހިމެނެއެވެ. މި ޓްރެއިލަރ އާއެކުގައި ފޭނުންގެ ޝައުގުވެރިކަން ވަނީ ވަރަށް ބޮޑަށް އިތުރުވެފައެވެ. ހޮލީވުޑްގެ އެންމެ ކާމިޔާބު ފްރެންޗައިޒްތަކުގެ ތެރޭގައި ހިމެނޭ “މިޝަން އިމްޕޮސިބަލް”ގެ ފެށުމަކީ 1996 ގައި ގެނެސްދިން ފިލްމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0