Read Time:2 Minute, 35 Second
ސޮނީ ޓީވީން ގެނެސްދެމުން އަންނަ ޝޯއެއް ކަމަށްވާ ސީއައިޑީގައި ބެލުންތެރިންގެ ހާއްސަ ލޯތްބަށް ލިބިފައިވާ އޭސީޕީ ޕްރައްދިޔުމަންގެ ބައި ނިންމާލާފައިވާ ކަމަށް އެ ޗެނަލުން ބުނެފިއެވެ. ސޮނީ އިން ހާމަކޮށްފައިވާ ގޮތުގައި އޭސީޕީ މަރުވާ ގޮތަށް ނިންމާފައިވަނީ އެ ރޯލު އަދާ ކުރަމުންދާ ތަރިއެއް ކަމަށްވާ ޝިވާޖީ ސައްތަމް ޝޯއިން ބްރޭކްއެއް ނެގުމަށް ބޭނުން ވެގެން ބުނުމުންނެވެ. ކޮންސެޕްޓް ކަނޑައަޅާފައިވާ ގޮތުގައި އޭސީޕީ މަރުވުމަށް ނިންމާފައިވަނީ ވަރަށް ބޮޑު ބޮން ގޮއްވުމެއްގެ ތެރޭގައެވެ. މިއީ މި ޝޯގެ ދެވަނަ ސީޒަންއެވެ. މި ޝޯ ގެނެސްދޭނީ ކޮންމެ ހޮނިހިރު އަދި އާދިއްތަ ދުވަހުގެ ރޭގަނޑު ރާއްޖެ ގަޑިން 9:30 ގައި ސޮނީ ޓީވީންނެވެ.
ކުރިއެކޭ އެއްފަދައިން މިފަހަރުގެ މިސީޒަނުގައި ވެސް ފެނިގެންދާނީ ހަމަ އޭރު ލީޑުން ފެނިގެންދާ ތަރިންނެވެ. އެއީ ޝިވާޖީ ސަތަމް އާއި ދަޔަނަންދު ޝެޓީގެ އިތުރުން އަދިތިޔާ ސްރިވަސްތާވްއެވެ. މި ތިން މީހުންނާ އެކު ޖެނުއަރީ 21، 1998 އިން ގެނެސްދެމުން ގެންދިޔަ ސީ.އައި.ޑީ ނިންމައިލީ އޮކްޓޯބަރު 27، 2018 ގައެވެ. އާންމުންގެ ތެރޭގައި ވަރަށް ބޮޑު މަގުބޫލު ހޯދި މި ސިލްސިލާ އަކީ އެ މުއްދަތުގެ ތެރޭގައި ޖުމްލަ 1،547 އެޕިސޯޑަށް ގެނެސްދިން ސިލްސިލާއެކެވެ. ސީއައިޑީގެ އެޕިސޯޑްގައި މައިގަނޑު ގޮތެއްގައި ބިނާކޮށްފައި ވަނީ މަރުތަކުގެ ހަގީގަތްް ހޯދަން ސީއައިޑީގެ އޮފިސަރުންތަކެއް ކުރާ މަސައްކަތަށެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0