Read Time:2 Minute, 42 Second
(ފޮޓޯ ކްރެޑިޓްސް: ވަގުތު)
ބޮޑު ބަންދަކަށްފަހު މިއަދު ސަރުކާރު އޮފީސްތައް ހުޅުވޭއިރު، ދިރާސީ އާ އަހަރުގެ ކިޔެވުން ފެށެން ވެސް ތައްޔާރުވެއްޖެއެވެ. ރޯދަ މަހުގެ ފަހު 10 އާއިއެކު ލިބުނު ބަންދާއި ފިތުރު އީދާ ގުޅިގެން ލިބުނު ފަސް ދުވަހާއެކު 15 ދުވަސް ފަހުން މިއަދުން ފެށިގެން އަނެއްކާ ވެސް ސަރުކާރުގެ އޮފީސްތައް އާންމު ގަޑިތަކަށް ހުޅުވައި ހިދުމަތް ދޭން ފަށާނެއެވެ. ސްކޫލް ބޮޑު ޗުއްޓީއަށް ފަހު ހޯމަ ދުވަހު ދިރާސީ އާ އަހަރު ފެށުމުގެ އެންމެ ފަހުގެ ތައްޔާރީތައްވެފައިވާ ކަމަށް އެޑިއުކޭޝަން މިނިސްޓްރީން ވިދާޅުވެފައިވެއެވެ. އެ މިނިސްްރީން ވިދާޅުވީ ދިރާސާ އާ އަހަރު ހޯމަ ދުވަހު ފަށާއިރު، ދަރިވަރުންގެ ފޮތްކާއި ޓީޗަރުން ވެސް ހަމަވާނެ ކަމަށެވެ.
އެޑިއުކޭޝަން މިނިސްޓްރީން އާންމުކުރި ކަލަންޑަރުގައިވާ ގޮތުން ފުރަތަމަ ޓާމުގެ ޗުއްޓީ ފަށާނީ ޖުލައި 24 ގައެވެ. ދެވަނަ ޓާމު ފަށާނީ އޮގަސްޓު 10 ގައެވެ. މި އަހަރުގެ ދިރާސީ އަހަރުގެ ފުރަތަމަ ޓާމުގައި ކިޔަވައިދޭނެ ދުވަސްތަކުގެ އަދަދު މަދެވެ. ކުރިން 83 ދުވަސް ކިޔަވައިދޭ ގޮތަށް އޮތް ނަމަވެސް ފަހުން ގެނައި ބަދަލާއެކު ފުރަތަމަ ޓާމުގައި ކިޔަވައިދޭނީ 81 ދުވަހުއެވެ. ދެވަނަ ޓާމުގައި ކިޔަވައި ދޭނީ 99 ދުވަހުއެވެ. މިއީ ކުރިން ނެރުނު ކަލަންޑަރުގައި ބުނެފައިވާ ދުވަހަށް ވުރެ ދެ ދުވަހުގެ އިތުރުވުމެކެވެ. އަދި ދިރާސީ އަހަރުގައި މުޅި ޖުމްލަ ކިޔަވައި ދޭނީ 180 ދުވަހުއެވެ. އަދި ބޮޑު ޗުއްޓީ ލިބޭނީ ޑިސެމްބަރު 28 އިން ޖެނުއަރީ 27 އަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0