Read Time:4 Minute, 48 Second
(ފޮޓޯ ކްރެޑިޓްސް: ރައީސް އޮފީސް)
އިމާރާތްކުރުމުގެ މަސައްކަތުން އުފެދޭ ގާކުނޑި ނައްތާލާ ނިޒާމު ޤާއިމްވުމާއެކު، އައު ވިޔަފާރިއެއްގެތެރެއަށް ވެމްކޯއަށް ވަދެވޭނެކަމަށް އެކުންފުނީގެ މެނޭޖިންގ ޑިރެކްޓަރ މުޖުތަބާ ޖަލީލް ވިދާޅުވެއްޖެއެވެ. އިމާރާތްކުރުމުގެ މަސައްކަތް ރާއްޖޭގައި އިތުވެފައިވާއިރު، އެފަދަ މަސައްކަތުން އުފެދޭ ގާކުނޑި ރަނގަޅުގޮތުގައި މެނޭޖުކުރެވޭނެ ނިޒާމެއް މިވަގުތު ރައްޖޭގައި ނެތެވެ.
ކުނީގެ މައްސަލަ ހައްލުކުރުމަށް ސަރުކާރުން ކުރަމުން ގެންދަވާ މަސައްކަތްތަކުގެ ދަށުން، ތިލަފުށީގައި ގެންދަނީ ގާކުނޑި ނައްތާލުމަށް ޚާއްޞަކޮށްގެން ކޮންސްޓްރަކްޝަން ވޭސްޓު ޑެމޮލިޝަން ޕްލާންޓެއް ތަރައްޤީކުރުމުގެ މަސައްކަތްކުރަމުންނެވެ. ރައީސުލްޖުމްހޫރިއްޔާ ދާދިފަހުންވަނީ ތިލަފުށީގައި ކުނި މެނޭޖުކުރުމުގެ މަސައްކަތްތައް ކުރިއަށްދާގޮތް ބައްލަވާލައްވާފައެވެ. އެއަށްފަހު ދެއްވި އިންޓަރވިއުއެއްގައި ވޭސްޓް މޭނޭޖްމަންޑް ކޯޕަރޭޝަން، ވެމްކޯގެ މެނޭޖިންގ ޑިރެކްޓަރ މުޖްތަބާ ޖަލީލް ވިދާޅުވީ އިމާރާތްކުރުމުގެ މަސައްކަތުގައި އުފެދޭ ކުނި ނައްތާލުމަށް ތަރައްްޤީކުރާ ކޮންސްޓްރަކްޝަން ވޭސްޓު ޑެމޮލިޝަން ޕްލާންޓްގެ މަސައްކަތާއެކު އިމާރާތްކުރުމުގެ މަސައްކަތުން އުފެދޭ ކުނި ރައްކާތެރި ގޮތުގައި އިތުރު ބޭނުންތަކަށް ތައްޔާރުކުރެވިގެން ދާނެކަމަށެވެ.
(ފޮޓޯ ކްރެޑިޓްސް: ރައީސް އޮފީސް)
އިމާރާތްތަކުން އުފެދޭ ގާކުނޑި 5 ސައިޒަކަށް ހެދުމަށްފަހު އާމްދަނީ ލިބޭނެ ފަދަ ގޮތަކަށް މާކެޓައް ނެރުމުގެ މަސައްކަތް ކުރާނެކަމަށް މުޖްތަބާ ވިދާޅުވިއެވެ. މިއާއެކު ވެމްކޯއަށް އާމްދަނީ ލިބޭނެ އިތުރު މަގެއް ފަހިވެގެން ދާނެކަމަށް ވެމްކޯގެ މެނޭޖިންގ ޑިރެކްޓަރ މުޖްތަބާ ޖަލީލް ވިދާޅުވިއެވެ. “ސީއެންޑީ ޕްލާންޓު ސެޓް ކުރެވިގެން ދިޔުމުން އެކަން ހައްލުވެގެން ދާނެ. 5 ސައިޒަކަށް ހެދުމަށް ފަހު އަލުން މާކެޓަށް ނެރެވޭނެ މެކޭނިޒާމެއް ހެދިގެން ދާނެ. އިތުރު ވިޔަފާރިއަކަށް ވަދެވޭނެ މަގު ވެމްކޯއަށް ލިބިގެން ދާނ” ވެމްކޯގެ މެނޭޖިންގ ޑިރެކްޓަރ މުޖްތަބާ ޖަލީލް ވިދާޅުވިއެވެ.
(ފޮޓޯ ކްރެޑިޓްސް: ރައީސް އޮފީސް)
އިމާރާތްކުރުމުގެ މަސައްކަތުން އުފެދޭ ގާކުނޑި ނައްތާލުމަށް ތަރައްްޤީކުރާ ކޮންސްޓްރަކްޝަން ވޭސްޓު ޑެމޮލިޝަން ޕްލާންޓްގެ މަސައްކަތް މި އަހަރުގެ ޖުލައިމަހަށް ނިންމާ އޮޕްރޭޝަނަށް ގެނައުމަށް ދަނީ މަސައްކަތް ކުރަމުންނެވެ. އަދި ތިލަފުށީގައި ޤާއިމްކުރާ ކުނިން ހަކަތަ އުފާދާ ޕްލާންޓްގެ މަސައްކަތް ނިންމާ އަންނަ އަހަރު އޮޕަރޭޝަނަށް ގެނައުމަށްވެސް ތިމާވެށްޓާއި ބެހޭ ވުޒާރާއިން ދަނީ މަސައްކަތް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0