Read Time:3 Minute, 4 Second
(ފޮޓޯ ކްރެޑިޓްސް: ސޯޝަލް މީޑިއާ)
“ހޮޅުދޫ ބޯޓު”ގައި ހިނގި އަލިފާނުގެ ޙާދިސާގައި ގެއްލިގެން ހޯދަމުންދާ ޢަލީ މުޝްފިޤް ޝަރީފް ހޯދުމަށް މިހާތަނަށް 133 އަކަނޯޓިކަލް މޭލުގެ ސަރަޙައްދެއް ބަލާފައިވާކަމަށް ޤައުމީ ދިފާޢީ ބާރު، އެމްއެންޑީއެފުން ވިދާޅުވެއްޖެއެވެ. މުޝްފިޤް ގެއްލިގެން ހޯދަމުންދަނީ ބުދަ ދުވަހުގެ ރޭ ތ. ހިރިލަންދޫން ފުރައިގެން މާލެ ދަތުރުކުރަމުން ދިޔަ މުދާ އުފުލާ ބޯޓުގައި އަލިފާން ރޯވުމާ ގުޅިގެން ސަލާމަތްވުމަށް ކަނޑަށް ފުންމާލި ފަހުން އޭނާގެ ޚަބަރެއް ނުވެގެންނެވެ. އެމްއެންޑީއެފުން ދަނީ އޭނާ ހޯދުމަށް ކަނޑާއި ވައިގެ މަގުން ސަރޗް އެންޑް ރެސްކިސު އޮޕަރޭޝަނެއް ހިންގަވަމުންނެވެ.
އެމްއެންޑީއެފުން މައުލޫމާތު ދެއްވާ ގޮތުގައި މިހާތަނަށް ކަނޑާއި ވައިގެ މަގުން 133 އަކަނޯޓިކަލް މޭލުގެ ސަރަހައްދެއް ވަނީ ބަލާފައެވެ. އަދި ޑައިވްކޮށްގެން 143880 އަކަ މީޓަރުގެ ސަރަހައްދެއް ބަލާފައިވާ ކަމަށްވެސް ވިދާޅުވިއެވެ. މީގެ އިތުރުން ވައިގެ މަގުން 5000 އަކަކިލޯ މީޓަރުގެ ސަރަހައްދެއް ބަލާފައިވާ ކަމަށްވެސް އެމްއެންޑީއެފުން ވިދާޅުވިއެވެ. މިހާތަނަށް ކުރެވުނު މަސައްކަތުން މުޝްފިޤް ފެނިފައިނުވާކަމަށް އެމްއެންޑީއެފުން ވިދާޅުވެއެވެ. ހޮޅުދޫ ބޯޓުން ދަތުރު ކުރީ ކެޕްޓަނާއެކު 18 މީހުންނެވެ. އޭގެތެރެއިން އެކަކު ފިޔަވައި އެންމެން ވަނީ ސަލާމަތްކޮށްފައެވެ. އަދި މިހާތަނަށް ފެނިފައިނުވަނީ ލ. މާވަށަށް ނިސްބަތްވާ ޢުމުރުން 25 އަހަރުގެ ޢަލީ މުޝްފިގް މުޙައްމަދު ޝަރީފެވެ.
އަލިފާނުގެ ޙާދިސާގައި ހޮޅުދޫ ބޯޓު ވަނީ އަޑިއަށްގޮސްފައެވެ. ބޯޓުގައި ރޯވާން މެދުވެރިވި ސީދާ ސަބަބެއް ކަމާބެހޭ ފަރާތްތަކުން މިހާތަނަށް ހާމަކޮށްފައެއްނުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0