Read Time:4 Minute, 24 Second
ޗައިނާގެ އެންމެ މަޝްހޫރު އޮންލައިން ޕްލެޓްފޯރމްކަމުގައިވާ “ޓީމޫ”އިން އެ ކުންފުނީގެ ވިޔަފާރި ރާއްޖެއަށް ފުޅާކޮށްފިއެވެ. އެމެރިކާއާއި ޔޫރަޕްގެ ޤައުމުތަކުގައި ނަން މަޝްހޫރު ޓީމޫ މާކެޓްޕްލޭސް މި ސަރަޙައްދުތަކުގެ ޤައުމުތަކަށް ފުޅާކުރުމުގެ މަޝްރޫޢުގެ ތެރެއިން މި ޕްލެޓްފޯމް މިހާރު މިވަނީ ދިވެހިންނާ ހަމައަށް ފޯރާފައެވެ.
މި ޕްލެޓްފޯމުން ރަނގަޅު ކޮލިޓީގެ ގިނަ އުފެއްދުންތަކެއް ހެޔޮ އަގުތަކެއްގައި ލިބެންހުރެއެވެ. މީގެ ތެރޭގައި އިލެކްޓްރޯނިކްސް، ފެޝަން، ގޭގެ ސާމާނު، ޒީނަތްތެރިވުމަށް ބޭނުންކުރާ ތަފާތު އުފެއްދުންތަކާއެކު އިތުރު ގިނަ ބާވަތްތަކުގެ މުދާ މި ޕްލެޓްފޯރމުން ލިބެން ހުރެއެވެ.
ޓީމޫގެ ޔޫސަރ-ފްރައިންޑްލީ އެޕް މެދުވެރިކޮށް ފަސޭހައިން ތަކެތި އޯޑާކޮށް ވަގުތުން ފައިސާ ދައްކާލެވެއެވެ. އަދި އޯޑަރުކުރާ ތަކެތި ކުޑަ ދުވަސްކޮޅެއްގެ ތެރޭގައި ސީދާ ކަސްޓަމަރުންނާއި ހަމައަށް އިތުބާރާއި ޔަގީންކަމާއެކު ފޯރުކޮށްދިނުމަކީ، މި އޮންލައިން ޕްލެޓްފޯމްގެ އެންމެ ޚާއްޞަ އެއް ސިފައެވެ. ޓިމޫ އިން އޯޑަރ ކުރާ ތަކެއްޗަށް ފްރީ-ޝިޕންގ ލިބޭ ގޮތަށް ހަމަޖެހިފައިވާއިރު، ޝިޕިންގ ޚަރަދު ކުޑަކުރުމުގެ ގޮތުން އެއް އޯޑަރަކަށް ބައިވަރު ތަކެތި ގަތުމުގެ ބޭނުމެއް މިހާރަކު ނެތެވެ. އޭގެ ބަދަލުގައި ހަމަޖެހިލައިގެން ބޭނުން އިރަކު ވިޔަފާރިކުރުމުގެ ފުރުޞަތު ޓީމޫއިން މިވަނީ ފަހިކޮށްދީފައެވެ.
ޓީމޫގެ ޚިދުމަތްތައް ރާއްޖޭގެ ކަންކޮޅުތަކަށް ހަލުވިކަމާއެކު ފޯރުކޮށްދިނުމަށްޓަކައި، އެ ކުންފުނިން ވަނީ މޯލްޑިވްސް ޕޯސްޓު ލިމިޓެޑާ ގުޅިގެން، ޕޯސްޓުގެ ނޭޝަންވައިޑް ޑެލިވަރީ ނެޓްވޯކްގެ ޚިދުމަތް ބޭނުންކުރަން ފަށާފައެވެ. ޓީމޫއާ މޯލްޑިވްސް ޕޯސްޓްގެ މި އިސްތިރާޖީ ގުޅުމުގެ ދަށުން، ރާއްޖޭގެ އެކި ކަންކޮޅުތަކުގައި ތިބި ޓިމޫގެ ކަސްޓަމަރުންނަށް އެފަރާތްތަކުގެ އޯޑަރުތައް ޕިކްޕޯސްޓާއި، ހޯމްޑެލިވަރީ އަދި ކައުންޓަރ ޑެލިވަރީ މެދުވެރިކޮށް އަވަހަށް ލިބޭނެގޮތް ފަހިކޮށްދިނުމުގެ އިންތިޒާމްތައް މިހާރު ވަނީ ހަމަޖެހިފައެވެ.
ދިވެހިރާއްޖޭގައި އީ-ކޮމާސްގެ ދާއިރާ އިތުރަށް ފުޅާކުރުމަށް މޯލްޑިވްސް ޕޯސްޓުން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ޗައިނާއާއި ތައިލެންޑް އަދި އިންޑިއާ ފަދަ ގައުމުތަކުގެ އޮންލައިން ޕްލެޓްފޯރމްތަކާ ގުޅިގެން މިހާރުވެސް ގިނަ މަސައްކަތްތަކެއް ކުރަމުންދާ ކަމަށް މޯލްޑިވްސް ޕޯސްޓުން މަޢުލޫމާތުދެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0