Read Time:4 Minute, 2 Second

(ފޮޓޯ ކްރެޑިޓްސް: ރައީސް އޮފީސް)

 

 

އެމްއެމްޕީއާރުސީ އާއި އިނގިރޭސި ވިލާތުގެ ލިވަޕޫލް ގުޅިގެން ރާއްޖެއަށް ފަތުރުވެރިން ގެނައުމަށް ބޮޑު ބްރޭންޑް ކެމްޕެއިނެއް ފަށައިފިއެވެ. މި ކެމްޕެއިން ފެށީ ޕްރިމިއާ ލީގުގައި ލިވަޕޫލް އާއި އެވަޓަން ރޭ ބައްދަލު ކުރި މެޗުގެ ކުރިންނެވެ. މި ހަރަކާތުގައި ރައީސް ޑރ. މުހައްމަދު މުއިއްޒާއި ޓޫރިޒަމް އެންޑް އެންވަޔަރަމަންޓް މިނިސްޓަރު ތޯރިގް އިބްރާހިމާއި އެމްއެމްޕީއާރުސީގެ މެނޭޖިން ޑިރެކްޓަރު އިބްރާހިމް ޝިއުރީ ވެސް ބައިވެރިވެވަޑައިގެންނެވިއެވެ.

 

 

(ފޮޓޯ ކްރެޑިޓްސް: ރައީސް އޮފީސް)

 

 

އެމްއެމްޕީއާރްސީން ވިދާޅުވީ އިނގިރޭސިވިލާތުގެ މުހިންމު ތަންތަނުގައި ހައި އިމްޕެކްޓް އައުޓްޑޯ އަދި ޑިޖިޓަލް އިޝްތިހާރު ބޭނުންކޮށްގެން ކުރިއަށް ގެންދާ މި މާކެޓިން ހަރަކާތް ތިން މަސް ދުވަހަށް ކުރިއަށް ގެންދިއުމަށް ހަމަޖެހިފައިވާއިރު, މި ކެމްޕެއިންގެ މަގްްސަދަކީ ލިވަޕޫލްގެ މގްްބޫލުކަމުގެ ބޭނުންހިފައި ގިނަ ބަޔަކު ރާއްޖެއަށް ދަތުރުކުރުމަށް ބާރުއެޅުން ކަމަށެވެ.

 

 

މިގޮތުން މި ކެމްޕެއިންގެ ދަށުން 100 އަށް ވުރެ ގިނަ ޓެކްސީގެ އިތުރުން ލަންޑަންގެ މަގުތަކުގައި ދުއްވާ ބަސްތަކުގައި ރާއްޖޭގެ ރީތި މަންޒަރުތައް ދައްކާލުމަށް ވަނީ ހަމަޖެހިފައެވެ. އަދި އަންޑަގްރައުންޑްގައި އިޝްތިހާރުކޮށް ބޮޑެތި އެއާޕޯޓުތަކާއި ބިޒްނަސް ކްލާސް ލައުންޖުތަކުގައި ރާއްޖޭގެ ރީތިކަން ދައްކާލުމަށް ވަނީ ހަމަޖެހިފައެވެ.

 

 

(ފޮޓޯ ކްރެޑިޓްސް: ރައީސް އޮފީސް)

 

 

މި ކެމްޕެއިންގެ ސަބަބުން ގާތްގަނޑަކަށް 76 މިލިއަން ޓާގެޓެޑް އޯޑިއަންސަކާ ހަމައަށް ފޯރާނެ ކަމަށް ބެލެވެއެވެ. އިނގިރޭސިވިލާތުގެ އިތުރުން އެމްއެމްޕީއާރްސީން ދަނީ ޔޫރަޕާއި މެދުއިރުމައްޗާއި އިންޑިއާ އަދި ޗައިނާ ފަދަ މުހިންމު ގަައުމުތަކުގައި އޮފިޝަލް ލިވަޕޫލް އެފްސީ ސަޕޯޓާސް ކްލަބްތަކާ އެކު ޓާގެޓެޑް ކެމްޕޭންތަކެއް ހިންގުމަށް ވެސް ރާވަމުންނެވެ. ރާއްޖެއަށް މިހާރު އެންމެ ގިނަ އިން އަންނަ ފަތުރުވެރިންގެ ތެރޭގައި އިނގިރޭސި ވިލާތް ހިމެނެއެވެ. އެގައުމު މިހާރު އޮތީ ތިން ވަނަ އަށް އެންމެ ބޮޑު މާކެޓްގެ ގޮތުގައެވެ. މި އަހަރުގެ މިހާތަނަށް އިނގިރޭސި ވިލާތުން 65,404 ފަތުރުވެރިން ރާއްޖެ ޒިޔާރަތްކޮށްފައިވެއެވެ.

About Post Author

މާދަމާ ނިއުސް

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %