Read Time:3 Minute, 55 Second
(ފޮޓޯ ކްރެޑިޓްސް: ރައީސް އޮފީސް)
އައިޖީއެމްއެޗަށް 75 އެނދު އިތުރުކުރުމަށް ކުރިއަށްގެންދާ މަޝްރޫޢުގެ މަސައްކަތް ނިންމާ އަންނަ މަހުގެ ތެރޭގައި އެތަން ހުޅުވޭނެކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ. މިއާއެކު އައިޖީއެމްއެޗަށް ކުރިމަތިވެފައިވާ ޖާގައިގެ ދަތިކަމަށް ބޮޑު ހައްލެއް ލިބިގެންދާނެކަމަށް ރައީސުލްޖުމްހޫރިއްޔާ ވިދާޅުވިއެވެ.
އައިޖީއެމްއެޗްގެ މިހާރުގެ ބެޑް ކެޕޭސިޓީއަކީ 350 އެނދެވެ. އެޑްމިޓްކޮށްގެން ފަރުވާދޭންޖެހޭ ޙާލަތްތަކުގައި މިކަމުގެ ދަތިކަން ކުރިމަތިވަމުންދާއިރު މިވޭތުވެދިޔަ 30 އަހަރުގެ ތެރޭގައިވެސް ހޮސްޕިޓަލުގެ ބެޑް ކެޕޭސިޓީ އިތުރުކުރުމަށް އެދެވޭ މަސައްކަތްތަކެއް ކުރެވިފައެއް ނުވެއެވެ. މިކަމަށް ހައްލެއް ގެނައުމަށް ނިންމަވާ ޢަމަލީ މަސައްކަތް ފަށާފައިވަނީ ނިމިދިޔަ އަހަރުގެ ތެރޭގައެވެ.
(ފޮޓޯ ކްރެޑިޓްސް: ޕީއެސްއެމް ނިއުސް)
“ރައްޔިތުންނާއެކު” ޕޮޑްކާސްޓްގައި ވާހަކަފުޅުދައްކަވަމުން ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވީ އައިޖީއެމްއެޗްގެ ކުރީގެ އެޑްމިނިސްޓްރޭޓިވް ބްލޮކް ހުސްކޮށް އެތަނުގައި ގާއިމްކުރަމުން އަންނަ 75 އެނދުގެ ވޯޑު އަންނަ މަހުގެ ތެރޭގައި ހުޅުވޭނެކަމަށެވެ. “މިވޯޑުގައި ޖެނަރަލް 40 އެނދާއި ހައި ޑިޕެންޑެންސީ ޔުނިޓުގެ 15 އެނދާއި، ޕްރައިވެޓް 14 ޔުނިޓު ހުންނާނެ” ރައީސުލްޖުމްހޫރިއްޔާ ވިދާޅުވިއެވެ.
ރައީސުލްޖުމްހޫރިއްޔާ ވިދާޅުވީ ސިއްޙީ ނިޒާމު ހަރުދަނާކުރުމަށް ކުރަމުންދާ މަސައްކަތުގެ ތެރެއިން މިއަހަރުގެ ތެރޭގައި މާލެ ސަރަހައްދުގެ ހޮސްޕިޓަލްތަކަށް ޖުމްލަ 117 އެނދު އިތުރުކުރުމަށް ސަރުކާރުން މަސައްކަތްކުރައްވަމުން އަންނަކަމަށެވެ. އެގޮތުން އައިޖީއެމްއެޗަށް އިތުރުކުރެވޭ 75 އެނދާއި، ހުޅުމާލޭ ހޮސްޕިޓަލުގެ އީއާރަށް 14 އެނދު އިތުރުކޮށް، ހުޅުމާލޭ ހޮސްޕިޓަލުގެ 6 ބުރީގެ ޢިމާރާތުގެ 3 ވަނަ ފަންގިފިލާ ވޯޑެއްގެ ގޮތުގައި ހަމަޖައްސާ އެތަނުގައި 28 އެނދު ޤާއިމުކުރުމަށްވެސް ދަނީ މަސައްކަތްކުރަމުންނެވެ. މިއާއެކު މާލެ ސަރަޙައްދުގެ ސަރުކާރު ހޮސްޕިޓަލުތަކުގެ އެނދުގެ ކެޕޭސިޓީ 433 އަށް އިތުރުވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0