(ފޮޓޯ ކްރެޑިޓްސް: ރައީސް އޮފީސް)
ދަރުމަވަންތަ ހޮސްޕިޓަލުގައި ޤާއިމްކުރި ކުޑަކުދިންނަށް ޚާއްޞަ އިމަރޖެންސީން ފާއިތުވި 4 މަސް ދުވަހުގެ ތެރޭގައި 10000އަށް ވުރެ ގިނަ ކުދިން ފަރުވާ ހޯދާފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެވެ. ރައީސުލްޖުމްހޫރިއްޔާ މިހެން ވިދާޅުވީ ރައްޔިތުންނާއެކު ޕޮޑްކާސްޓްގައި ވާހަކަފުޅު ދައްކަވަމުންނެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ ސިއްޙީ ނިޒާމު ހަރުދަނާ ކުރުމަކީ އެންމެ އިސްކަމެއް ދެއްވައިގެން ކުރިއަށް ގެންދަވާ މަސައްކަތްކަމަށެވެ. އެގޮތުން މާލެ ސަރަހައްދެކޭ އެއްގޮތަށް އަތޮޅުތެރޭގައިވެސް ކުރިއަށް އޮތް 2 އަހަރެއްހާ ދުވަހުގެ ތެރޭގައި ސިއްޙީ މަރުކަޒުތަކާއި، ހޮސްޕިޓަލުތައް ޤާއިމްކުރެވިިޭނެކަމަށް ރައީސް ވިދާޅުވިއެވެ.
ރައީސުލްޖުމްހޫރިއްޔާ ވިދާޅުވީ ކުޑަކުދިންނަށް ޚާއްސަކޮށްގެން ދަރުމަވަންތަ ހޮސްޕިޓަލުގައި ހުޅުވާފައިވާ އީއާރުގެ ސަބަބުން މައިގަނޑު ގޮތެއްގައި ބޭނުންކުރާ އީއާރަށް ވަރަށް ބޮޑު ލުއިތަކެއް ލިބެމުންދާކަމަށެވެ. އެގޮތުން ކުޑަކުދިންނަށް ޚާއްސަ އިމަރޖެންސީ ފަރުވާދޭނެ އީއާރު ޤާއިމްކުރި ފަހުން ފާއިތުވި 4 މަސްތެރޭގައި 10393 ކުދިން އެތަނުން ޚިދުމަތް ހޯދާފައިވާކަމަށް ރައީސް ވިދާޅުވިއެވެ.
(ފޮޓޯ ކްރެޑިޓްސް: ރައީސް އޮފީސް)
“ތުއްތުކުދިންނާއި 16 އަހަރުން ދަށުގެ ކުދިންނައް ޚާއްސަ ޚިދުމަތް ދޭން ފެށިފަހުން މިހާތަނަށް އެއީ މިދިޔަ ނޮވެމްބަރުގައި އަޅުގަނޑުމެން ފެށީ. ފަށައިގެން މިދިޔަ 4 މަހެއްހާ ދުވަހުގެ ތެރޭގައި 10393 ކުދިން ވަނީ ޚިދުމަތް ހޯދާފައި. މާނައަކީ، އެހެންނޫންނަމަ، ޢާންމުންވެސް ދާ އީ.އާރަށޭ މި ކުދިންވެސް ދާންޖެހޭނީ.” ރައީސް ވިދާޅުވިއެވެ. ދަރުމަވަންތަ ހޮސްޕިޓަލުގެ ކުޑަކުދިންނަށް ޚާއްޞަ އިމަރޖެންސީ ފަރުވާ ޤާއިމްކޮށްފައިވަނީ ކުޑަކުދިންނަށް ރަހުމަތްތެރި މާހައުލެއްގޮތަށް އިމަރޖެންސީގައި ޚާއްޞަ ފަރުވާ ދެވޭގޮތަށެވެ. މިކަމުގެ ސަބަބުން ކުޑަކުދިންނާއި ބެލެނިވެރިންނަށް އެތައް ފަސޭހައެއް ލިބިގެންދެއެވެ.
މިތަނުގައި ވަނީ ޓްރައޭޖުގެ އިތުރުން އެންމެ އިމަރޖެންސީ ހާލަތުގައިވެސް ފަރުވާދެވޭނެ ވަސީލަތް ޤާއިމްކޮށްފައެވެ. އަދި ގައިންގަޔަށް އަރާ ބަލިތައްފަދަ ހާލަތުގައި އެކަހެރިކޮށް ފަރުވާދެވޭނެ އިންތިޒާމުވެސް ޤާއިމްކޮށްފައިވެއެވެ. އެންމެ ތުއްތު ކުދިންނަށް ބޭނުންވާ ސިއްޙީ ފަރުވާވެސް ވަނީ ޤާއިމްކޮށްފައެވެ. ތަފާސް ހިސާބު ދައްކާގޮތުން އައިޖީއެމްއެޗްގެ އިމަރޖެންސީ ފަރުވާ ހޯދާ މީހުންގެ %20އަކީ ކުޑަކުދިންނެވެ. 11 އެނދާއެކު ޤާއިމްކުރި ކުޑަކުދިންގެ އީއާރްއާއެކު ކުޑަކުދިން ކިއުގައި މަޑުކުރަންޖެހޭ ޖެހުންވަނީ ނިމުމަކަށް އައިސްފައެވެ.
About Post Author
މާދަމާ ނިއުސް
ޓްރަމްޕްގެ އުއްމީދުކުރެވުނު ވަރަށްވުރެ މަތީ ޓެރިފްތަކުން ޑިމާންޑް ދަށްވާނެކަމަށް ބެލެވުމާއެކު ތެލުގެ އަގު ވެއްޓިއްޖެ
(ފޮޓޯ ކްރެޑިޓްސް: އިމޭޖިން ޗައިނާ) އެމެރިކާގެ ރައީސް ޑޮނަލްޑް ޓްރަމްޕް އާ ޓެރިފްތަކެއް އިޢުލާނުކުރެއްވުމާ ގުޅިގެން ބުރާސްފަތި ދުވަހު ތެލުގެ އަގު %3 އަށްވުރެ...
ލިވަޕޫލާއެކު ރާއްޖެ އިޝްތިހާރު ކުރަން ފަށައިފި
(ފޮޓޯ ކްރެޑިޓްސް: ރައީސް އޮފީސް) އެމްއެމްޕީއާރުސީ އާއި އިނގިރޭސި ވިލާތުގެ ލިވަޕޫލް ގުޅިގެން ރާއްޖެއަށް ފަތުރުވެރިން ގެނައުމަށް ބޮޑު ބްރޭންޑް ކެމްޕެއިނެއް ފަށައިފިއެވެ. މި...
ރާއްޖެ އައި ފަތުރުވެރިންގެ އަދަދު 600،000 އަށްވުރެ މައްޗަށް
(ފޮޓޯ ކްރެޑިޓްސް: ވަގުތު) މި އަހަރުގެ މިހާތަނަށް ރާއްޖެ އައި ފަތުރުވެރިންގެ އަދަދު 600،000 އަށްވުރެ މައްޗަށް އަރައިފިއެެވެ. ފަތުރުވެރިކަމާއި ބެހޭ ވުޒާރާއިން އާއްމުކޮށްފައިވާ...
ލިވަޕޫލްގެ އަކްސާ ޓްރެއިނިންގ ސެންޓަރަށް ރައީސުލްޖުމްހޫރިއްޔާ ޒިޔާރަތް ކުރައްވައިފި
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ލިވަޕޫލްގެ އަކްސާ ޓްރެއިނިންގ ސެންޓަރަށް ޒިޔާރަތް ކުރައްވައި، ފުޓުބޯޅައިގެ ކޯޗިންގްގެ އަދި ތަމްރީނުތައް ބައްލަވާލައްވައިފިއެވެ. ފަހުގެ ވަސީލަތްތަކާއެކު އެންމެ...
އިނގިރޭސިވިލާތުގެ ލިވަރޕޫލްގައި ކިޔަވާ ދަރިވަރުންނާ ރައީސުލްޖުމްހޫރިއްޔާ ބައްދަލުކުރައްވައިފި
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އިނގިރޭސިވިލާތުގެ ލިވަރޕޫލްގައި ކިޔަވަމުންދާ ދިވެހި ދަރިވަރުންނާ ބައްދަލުކުރައްވައިފިއެވެ. ރައީސުލްޖުމްހޫރިއްޔާ އިނގިރޭސިވިލާތަށް މިހާރު ކުރައްވަމުން ގެންދަވާ ދަތުރުފުޅުގެ ތެރޭގައި ހިނެނިގެން...
ސިނގިރޭޓު ވިއްކުން ހުއްޓާލާ، އެއީ ރާއްޖޭގައި ކުރާވަރު ކަމެއް ނޫން: ރައީސް
(ފޮޓޯ ކްރެޑިޓްސް: ރައީސް އޮފީސް) ރާއްޖޭގައި ސިނގިރޭޓު ވިއްކުމަކީ ކުރާވަރުގެ ކަމެއް ނޫން ކަމަށާއި އެކަން ހުއްޓާލުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިލްތިމާސް...