Read Time:4 Minute, 20 Second
އަވައްޓެރި ސްރީލަންކާގެ ލަންކާ ހޮސްޕިޓަލްސްއިން އާސަންދައިގެ ޚިދުމަތް މެދުކެނޑިފައިވާ މައްސަލައަށް ހައްލު ހޯދުމުގެ މަސައްކަތް ކުރަމުންދާކަމަށް އާސަންދައިން ވިދާޅުވެއްޖެއެވެ. އާސަންދައިން ވިދާޅުވީ، ކޮލޮމްބޯގައި ހުންނަ ލަންކާ ހޮސްޕިޓަލްސްއިން ފަރުވާ ހޯދާ ފަރާތްތަކަށް އާސަންދައިގެ ޚިދުމަތް މިވަގުތު މެދުކެނޑިފައިވާކަމަށެވެ. އަދި މި ޚިދުމަތް މެދުކެނޑިފައިވަނީ އެ ހޮސްޕިޓަލުން ކްރެޑިޓް އުޞޫލުން ޚިދުމަތްދިނުން ހުއްޓާލުމާގުޅިގެން ކަމަށް އެ ކުންފުނިން ފާހަގަކޮށްފައިވެއެވެ.
މިކަމާގުޅޭގޮތުން ޕީއެސްއެމް ނިއުސްއަށް މަޢުލޫމާތު ދެއްވަމުން، އާސަންދައިގެ މެނޭޖިންގ ޑިރެކްޓަރ އާމިނަތު ޒީނިއާ ވިދާޅުވީ، މި މައްސަލައަށް ހައްލެއް ހޯދުމަށް މިހާރުވެސް މާލީ ވުޒާރާއާއެކު މަސައްކަތް ކުރައްވަމުން ގެންދަވާކަމަށާއި، މި މައްސަލަ ހައްލުކުރުމަށް ނަގާނެ ސީދާ މުއްދަތެއް އެނގިވަޑައިނުގަންނަވާކަމަށް ޒީނިއާ ވިދާޅުވިއެވެ. ލަންކާއަކީ ދިވެހިން ބޭސްފަރުވާގެ ޚިދުމަތް ހޯދުމަށް އެންމެ ގިނައި ދާ އެއް ގައުމެވެ. އެގޮތުން ބޭސްފަރުވާ ހޯދުމަށް އެ ގައުމުގައި ދިގު މުއްދަތަކަށް ދިރިއުޅޭ ދިވެހިން ވެސް ގިނަކަން ފާހަގަކޮށްލަންޖެހެއެވެ.
(ފޮޓޯ ކްރެޑިޓްސް: ޕީއެސްއެމް ނިއުސް)
އާސަންދަ ސްކީމްގެ ދަށުން ރާއްޖެއިން ބޭރަށް ބޭސްފަރުވާއަށް މިވަގުތު ފޮނުވަމުންދަނީ އިންޑިއާ އާއި ސްރީލަންކާއަށެވެ. އަދި ރައީސުލްޖުމްހޫރިއްޔާގެ ވަޢުދާ އެއްގޮތަށް ތައިލެންޑާއި ޔޫއޭއީއަށްވެސް މި ސްކީމްގެ ދަށުން ބަލިމީހުންނަށް ޚިދުމަތް ދެވޭނެ އިންތިޒާމްތައް މިހާރު ދަނީ ހަމަޖައްސަވަމުންނެވެ. އާސަންދައިގެ ދަށުން އިތުރު ޤައުމުތަކުން ފަރުވާ ހޯދޭނެ އިންތިޒާމް ހަމަޖައްސަމުންދާއިރު، އާސަންދައިގެ ޚިދުމަތް ފުޅާކޮށް މީގެކުރިން ނުކުރެވޭ ގިނަ ފަރުވާތަކެއް އަސަންދައިން ކުރެވޭނެ އިންތިޒާމް ސަރުކާރުން ވަނީ ހަމަޖައްސަވާފައެވެ.
މީގެ އިތުރުން، އާސަންދަ ނިޒާމު އިތުރަށް ހަރުދަނާކޮށް ގެންނަންޖެހޭ އިސްލާޙީ ބަދަލުތައް ގެނައުމުގެ މަސައްކަތްވެސް ސަރުކާރުން ދަނީ ކުރައްވަމުންނެވެ. އެގޮތުން އާސަންދައިން ބޭސް ހޯދުމުގައި، ރައްޔިތުންނަށް ދައްޗެއް އަދި މާލީ ތަކުލީފެއް ކުރިމަތިނުވާނޭކަން ކަށަވަރުކުރުމަށާއި، އާސަންދައިން ބޭހަށް ކުރާ ޚަރަދު ކުޑަކުރުމަށް ނިޒާމަށް ގެންނަންޖެހޭ ބަދަލުތައް މިހާރު ވަނީ ކަނޑައަޅުއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0