Read Time:3 Minute, 10 Second
(ފޮޓޯ ކްރެޑިޓްސް: ރައީސް އޮފީސް)
ދައުލަތުގެ އާންމު މަންފާއަށްޓަކައި ހިންގާ މަޝްރޫއުތަކުގެ ތެރެއިން ރާއްޖޭގެ މިނިވަންކަން ހިމާޔަތްކޮށް، ސުހްލަ ގާއިމްކުރަން ހިންގާ މަޝްރޫއުތަކަށް އިންވެސްޓްމަންޓް ކުރަންޖެހޭ އަދަދު ބޮޑުކުރަން ނިންމައިފިއެވެ. ޓޫރިޒަމްގެ ގާނޫނުގެ ދަށުން، އިގްތިސާދީ ސިޔާސަތެއްގެ ދަށުންދައުލަތުގެ އާންމު މަންފާއަށް ހިންގުމަށް ސަރުކާރުން ކަނޑައަޅާ މަޝްރޫއުތަކާއި އަދި އެ މަޝްރޫއުތަކާ ހަވާލުވާ ފަރާތްތަކުން އިންވެސްޓް ކުރަންޖެހޭ އެންމެ މަދު މިންވަރު ރައީސް ކަނޑައަޅުއްވަން ޖެހޭއިރު، މީގެ ކުރިން އެކަން ކަނޑައެޅުއްވި ގަރާރު އުވާލައްވައި އާ ގަރާރެއް ރައީސް ޑރ. މުހައްމަދު މުއިއްޒު މިއަދު ވަނީ ނެރުއްވައިފައެވެ.
އެ ގަރާރަށް ބަދަލު ގެންނެވީ ރާއްޖޭގެ މިނިވަންކަން ހިމާޔަތްކޮށް، ސުހްލަ ގާއިމްކުރަން ހިންގާ މަޝްރޫއުތަކަށް އިންވެސްޓްމަންޓް ކުރަންޖެހޭ އަދަދު ބޮޑުކުރުމަށެވެ. އަދި މިހާރު އެފަދަ ބަދަލެއް ގެންނަން ޖެހޭ ހާލަތު އައިސްފައިވާ ކަމަށް ރައީސަށް ފެނިވަޑައިގަންނަވާ ކަމަށް އާ ގަރާރުގައިވެއެވެ. އެގޮތުން، މީގެ ކުރިން ރާއްޖޭގެ މިނިވަންކަން ހިމާޔަތްކޮށް، ސުހްލަ ގާއިމްކުރަން ހިންގާ މަޝްރޫއުތަކަށް އިންވެސްޓްމަންޓް ކުރަންޖެހޭ އަދަދަކީ 15 މިލިއަން ޑޮލަރު ނަމަވެސް، ރައީސް ވަނީ އާ ގަރާރުގެ ދަށުން އެ އަދަދު 100 މިލިއަން ޑޮލަރަށް ބޮޑުކޮށްފައެވެ. އެއީ ގާތްގަނޑަކަށް 1.5 ބިލިއަން ރުފިޔާއެވެ.
އެހެންނަމަވެސް، އާ ގަރާރުގެ ދަށުން ރަށްރަށް ގުޅުވަން ކޯޒްވޭ އެޅުމާއި، އެއާޕޯޓްތައް އެޅުމާއި، ބޯހިޔާވަހިކަމުގެ މަޝްރޫއުތައް ހިންގުމާއި ބިން ހިއްކުން ފަދަ ކަންކަމަށް ކަނޑައަޅަންޖެހޭ ޖެހޭ އެންމެ ކުޑަ މިންވަރަށް ބަދަލެއް ގެނެސްފައިނުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0