(ފޮޓޯ ކްރެޑިޓްސް: ރޮއިޓާރސް)
އިނގިރޭސި އެފްއޭ ކަޕުގެ ކުއާޓާ ފައިނަލްގައި ޕްރެސްޓަން ނޯތު އެންޑާ ދެކޮޅަށް ކުޅުނު މެޗުގައި މާކަސް ރަޝްފޯޑް ޖެހި ދެ ލަނޑާއެކު 3-0 ގެ ނަތީޖާއަކުން މޮޅުވެ، މުބާރާތުގެ ސެމީ ފައިނަލުގެ ޖާގައެއް އެސްޓަން ވިލާއިން ހޯދައިފިއެވެ. ޕްރެސްޓަންގެ ދަނޑުގައި ބާވީސް ހާހަށްވުރެ ގިނަ މީހުންގެ ކުރިމަތީގައި ކުޅުނު މި މެޗުގެ ފުރަތަމަ ހާފުގައި އެއްވެސް ޓީމަކަށް ލަނޑެއް ކާމިޔާބު ކުރެވިފައިނުވި ނަމަވެސް އެސްޓަން ވިލާއިން ވަނީ ރަގަޅު ކުޅުމެއް ދައްކާ ލަނޑު ޖަހާނެ ފުރުސަތުތަކެއްވެސް ތަނަވަސްކޮށްފަ އެވެ.
އެސްޓަން ވިލާއިން މި މެޗުގައި ފުރަތަމަ ލަނޑެއް ޖަހާ ލީޑު ނަގާފައިވަނީ ދެވަނަ ހާފުގެ ކުޅުން ފެށުނުތާ 13 ވަނަ މިނިޓުގައި މާކަސް ރަޝްފޯޑް ކާމިޔާބުކޮށްދިން ލަނޑުންނެވެ. އަދި އޭގެ ފަސް މިނިޓު ފަހުން އެސްޓަން ވިލާގެ މޯގަން ރޮޖާރސް އަށް އެންޑްރޫ ހިއުސް ކުރި ފައުލަކާއި ގުޅިގެން އެ ޓީމަށް ލިބުނު ޕެނަލްޓީ އިން ރަޝްފޯޑް ވަނީ އިތުރު ލަނޑެއް ޖަހާ ދެ ޓީމުގެ ދެމެދުގައިވާ ފަރަގު ބޮޑުކޮށްފަ އެވެ. މިދިޔަ ފެބްރުއަރީ މަހު ލޯނު އެއްބަސްވުމެއްގެ މެންޗެސްޓަރ ޔުނައިޓެޑް އިން އެސްޓަން ވިލާ އާއި ގުޅުނު ރަޝްފޯޑް މި މެޗުގައި ދެއްކި ކުޅުމާއިއެކު 70 އަހަރުގެ ތެރޭގައި ފުރަތަމަ ފަހަރަށް އެފްއޭ ކަޕް އެސްޓަން ވިލާއަށް ކާމިޔާބު ކުރެވިދާނެކަމުގެ އުންމީދު ވަނީ އައުވެފަ އެވެ. އެ ޓީމުން އެންމެ ފަހުން އެފްއޭ ކަޕް ކާމިޔާބު ކޮށްފައިވަނީ 1957 ވަނަ އަހަރު އެވެ.
މި މެޗުގައި އެސްޓަން ވިލާ އިން ޖެހި ތިންވަނަ ލަނޑޫ މެޗުގެ 71 ވަނަ މިނިޓުގައި އެ ޓީމަށް ކާމިޔާބުކޮށްދީފައިވަނީ ޖޭކޮބް ރަމްސޭ އެވެ. މި ލަނޑު ޖަހަން ފުރުސަތު ތަނަވަސްކޮށްދީފައިވަނީ ދެވަނަ ލަނޑު ޖަހަންވެސް އެހީތެރިވި ލޫކަސް ޑިގްނޭ އެވެ. އުނެއި އެމެރީގެ އިރުޝާދުގެ ދަށުން ކުޅެމުންދާ އެސްޓަން ވިލާއިން މި މުބާރާތުގެ ސެމީ ފައިނަލުގައި ކުޅޭނީ ކްރިސްޓަލް ޕެލަސް އާއި ދެކޮޅަށެވެ.
About Post Author
މާދަމާ ނިއުސް
ޓްރަމްޕްގެ އުއްމީދުކުރެވުނު ވަރަށްވުރެ މަތީ ޓެރިފްތަކުން ޑިމާންޑް ދަށްވާނެކަމަށް ބެލެވުމާއެކު ތެލުގެ އަގު ވެއްޓިއްޖެ
(ފޮޓޯ ކްރެޑިޓްސް: އިމޭޖިން ޗައިނާ) އެމެރިކާގެ ރައީސް ޑޮނަލްޑް ޓްރަމްޕް އާ ޓެރިފްތަކެއް އިޢުލާނުކުރެއްވުމާ ގުޅިގެން ބުރާސްފަތި ދުވަހު ތެލުގެ އަގު %3 އަށްވުރެ...
ލިވަޕޫލާއެކު ރާއްޖެ އިޝްތިހާރު ކުރަން ފަށައިފި
(ފޮޓޯ ކްރެޑިޓްސް: ރައީސް އޮފީސް) އެމްއެމްޕީއާރުސީ އާއި އިނގިރޭސި ވިލާތުގެ ލިވަޕޫލް ގުޅިގެން ރާއްޖެއަށް ފަތުރުވެރިން ގެނައުމަށް ބޮޑު ބްރޭންޑް ކެމްޕެއިނެއް ފަށައިފިއެވެ. މި...
ރާއްޖެ އައި ފަތުރުވެރިންގެ އަދަދު 600،000 އަށްވުރެ މައްޗަށް
(ފޮޓޯ ކްރެޑިޓްސް: ވަގުތު) މި އަހަރުގެ މިހާތަނަށް ރާއްޖެ އައި ފަތުރުވެރިންގެ އަދަދު 600،000 އަށްވުރެ މައްޗަށް އަރައިފިއެެވެ. ފަތުރުވެރިކަމާއި ބެހޭ ވުޒާރާއިން އާއްމުކޮށްފައިވާ...
ލިވަޕޫލްގެ އަކްސާ ޓްރެއިނިންގ ސެންޓަރަށް ރައީސުލްޖުމްހޫރިއްޔާ ޒިޔާރަތް ކުރައްވައިފި
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ލިވަޕޫލްގެ އަކްސާ ޓްރެއިނިންގ ސެންޓަރަށް ޒިޔާރަތް ކުރައްވައި، ފުޓުބޯޅައިގެ ކޯޗިންގްގެ އަދި ތަމްރީނުތައް ބައްލަވާލައްވައިފިއެވެ. ފަހުގެ ވަސީލަތްތަކާއެކު އެންމެ...
އިނގިރޭސިވިލާތުގެ ލިވަރޕޫލްގައި ކިޔަވާ ދަރިވަރުންނާ ރައީސުލްޖުމްހޫރިއްޔާ ބައްދަލުކުރައްވައިފި
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އިނގިރޭސިވިލާތުގެ ލިވަރޕޫލްގައި ކިޔަވަމުންދާ ދިވެހި ދަރިވަރުންނާ ބައްދަލުކުރައްވައިފިއެވެ. ރައީސުލްޖުމްހޫރިއްޔާ އިނގިރޭސިވިލާތަށް މިހާރު ކުރައްވަމުން ގެންދަވާ ދަތުރުފުޅުގެ ތެރޭގައި ހިނެނިގެން...
ސިނގިރޭޓު ވިއްކުން ހުއްޓާލާ، އެއީ ރާއްޖޭގައި ކުރާވަރު ކަމެއް ނޫން: ރައީސް
(ފޮޓޯ ކްރެޑިޓްސް: ރައީސް އޮފީސް) ރާއްޖޭގައި ސިނގިރޭޓު ވިއްކުމަކީ ކުރާވަރުގެ ކަމެއް ނޫން ކަމަށާއި އެކަން ހުއްޓާލުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިލްތިމާސް...