Read Time:2 Minute, 45 Second
(ފޮޓޯ ކްރެޑިޓްސް: ރައީސް އޮފީސް)
މި އަހަރުގެ ފިތުރު އީދު ދުވަހު ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި އަނބިކަނބަލުން މެޑަމް ސާޖިދާ އަހުމަދު އީދު ސަލާމް ކުރައްވައިފިއެވެ. ރައީސްގެ ދެކަނބަލުން އީދު ސަލާން ކުރައްވަން ފައްޓަވާފައިވަނީ ފިތުރު އީދު ދުވަހުގެ ހެނދުނު 9:00 އެއްގައި މުލީއާގޭގައެވެ. އަދި ސަލާމް ކުރުން ނިންމަވާލައްވާ ލެެއްވީ 10:00 އެއްގައެވެ. ރައީސްގެ ދެކަނބަލުންނާ އީދު ސަލާމް ކުރެއްވުމަށް ވަރަށް ގިނަ ބަޔަކު ވަނީ ގޮސްފައެވެ. އީދު ދުވަހުގައި ރައީސްގެ ދެކަނބަލުން ރައްޔިތުންނާ ސަލާމް ކުރެއްވުމަކީ ރާއްޖޭގައި ވަރަށް ކުރިއްސުރެ ކުރަމުންދާ ކަމެކެވެ. އީދު ދުވަސްތަކުގައި އެންމެ ގިނައިން އީދު ސަލާމްް ކުރައްވާފައި ވަނީ ކުރީގެ ރައީސް މައުމޫން އަބްދުލްގައްޔޫމެވެ. އޭގެ ފަހުން، އެމަނިކުފާނުގެ ކޮއްކޯފުޅު އަދި ކުރީގެ ރައީސް އަބްދުﷲ ޔާމީން ވެސް އީދު ދުވަސްތަކުގައި ސަލާމް ކުރެއްވުން ކުރިއަށް ގެންދެވިއެވެ.
އެކަމަކު، ކުރީގެ ރައީސް އިބްރާހިމް މުހައްމަދު ސޯލިހްގެ ވެރިކަމުގައި ކޮވިޑް-19 ގެ ބަލިމަޑުކަން ކުރިމަތިވުމާ ގުޅިގެން އެކަން ކުރިއަށް ގެންގޮސްފައެއް ނުވެއެވެ. އަދި ކޮވިޑުން އަރައިގަނެ، އާންމު ހާލަތަކަށް އައި ފަހުން ވެސް އީދު ދުވަސް ދުވަހު ސަލާމް ކުރަން ވަކި ހާއްސަ އިވެންޓެއް ބާއްވާފައި ނެތެވެ. ރައީސް މުއިއްޒު ވަނީ ވެރިކަމަށް ވަޑައިގެން ފަހުން އީދު ހުރިހާ ރައްޔިތުން ވެސް އިސްލާމީ އުސޫލުތަކާއި އެއްގޮތަށް ފާހަގަކުރެއްވުމަށް ބާރު އަޅުއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0