Read Time:2 Minute, 34 Second
(ފޮޓޯ ކްރެޑިޓްސް: ވަގުތު)
ރާއްޖޭގެ އެކި ކަންކޮޅުތަކުގައި ފިޠުރު ޢީދު ނަމާދު ބޮޑު ޖަމާއަތުގައި ކޮށްފިއެވެ. މާލެ ސަރަހައްދުގައި ޢީދު ނަމާދު ބޮޑު ޖަމާއަތުގައި ކޮށްފައިވަނީ 4 ސަރަހައްދެއްގައެވެ. އެއީ މާލޭގެ މާފަންނު ސްޓޭޑިއަމާއި ވިލިމާލެ ފުޓްބޯޅަ ދަނޑު ސަރަހައްދާއި ހުޅުމާލެ ފުރަތަމަ ފިޔަވަހީގެ ސިންތެޓިކް ޓްރެކް އަދި ދެވަނަ ފިޔަވަހީގެ ކްރިކެޓް ސްޓޭޑިއަމްގައެވެ.
މި އަހަރު ވެސް އީދު ނަމާދު ކުރީ ހެނދުނު 7:00 ޖެހިއިރުއެވެ. މިއަދު މާލޭގައި ބޮޑުޖަމާޢަތުގައި ކުރި ޢީދު ނަމާދުގައި ގިނަ އަދަދެއްގެ ފިރިހެނުންނާއި އަންހެނުން އަދި ކުޑަކުދިން ވަނީ ބައިވެރިވެފައެވެ. މި ޖަމާޢަތުގައި ރައީސުލްޖުމްޙޫރިއްޔާ ޑރ. މުޙައްމަދު މުޢިއްޒުވެސް ބައިވެރިވެވަޑައިގެންނެވިއެވެ.
(ފޮޓޯ ކްރެޑިޓްސް: ވަގުތު)
އީދު ނަމާދުގެ ޖަމާއަށް ފަށާ ގަޑި ހެނދުނު 7:00 އަށް ބަދަލުކުރުމަށް ސަރުކާރުން ނިންމީ މިދިޔަ އަހަރުގައެވެ. އެ ނިންމުން ނިންމާފައިވާ ވަރަށް ގިނަ އިސްމުވެރިންގެ މެދުގައި މަޝްވަރާތައް ކުރުމަށް ފަހުގައެވެ. މީގެ އިތުރުން މާލެ ސަރަހައްދުގެ 23 މިސްކިތެއްގައި ފިތުރު އީދު ނާމާދު ކުރިއަށް ގެންދިޔައެވެ. ރާއްޖޭގެ އެކި ކަންކޮޅުތަކުގައި ބޮޑު ޖަމާއަތުގައި އީދު ނަމާދުކޮށްފައިވާއިރު ފިޠުރު ޢީދު ދުވަހުގެ ހަވީރު ގްރޭޓާ މާލެ ސަރަހައްދުގައި އިންޖީނުލީ އެއްގަމު އުޅަނދު ދުއްވުން ވެސް ވަނީ މަނާކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0