Read Time:3 Minute, 55 Second
މި އަހަރަކީ އެންމެ ގިނައިން ފިތުރު ޒަކާތް ލިބުނު އަހަރުކަން މޯލްޑިވްސް ޒަކާތު ހައުސްގެ ތަފާސްހިސާބުތަކުން ދަައްކައިފިއެވެ. ޒަކާތު ހައުސް އިން ރޭ ވަނީ މުޅި ރާއްޖެއިން ފައިސާގެ ގޮތުގައި ބަލައިގަނެވުނު ފިތުރުޒަކާތުގެ ތަފާސްހިސާބުތައްް އާއްމު ކުރައްވާފައެވެ. މިގޮތުން މި އަހަރު ފިތުރު ޒަކާތުގެ ގޮތުގައި 13 މިލިއަން ރުފިޔާ ލިބުނުއިރު، މިދިޔަ އަހަރު ލިބިފައި ވަނީ 12 މިލިއަން ރުފިޔާއެެވެ. އަދި 2023 ވަނަ އަހަރު 12 މިލިއަން ރުފިޔާ ލިބުނުއިރު، 2022 ވަނަ އަހަރު ލިބިފައި ވަނީ 11 މިލިއަން ރުފިޔާއެވެ.
މި އަހަރު ގޮވާމުން ބަލައިގަތް ފިތުރު ޒަކާތް މަދުކަން ފާހަގަކޮށްލަން ޖެހެއެވެ. މިގޮތުން މި އަހަރު 10،023.6 ކިލޯގެ ތަކެތި ބަލައިގަތްއިރު، މިދިޔަ އަހަރު 12،959.29 ކިލޯ، އަދި 2023 12،380.85ކިލޯ އޭގެ އިތުރުން، 2022ގައި 10،092.00 ކިލޯގެ ތަކެތި ބަލައިގަނެފައި ވެއެވެ. ޒަކާތު ހައުސްގެ ތަފާސްހިސާބުތައް ދައްކާގޮތުން މި އަހަރު އެންމެ ގިނައިން މީހުން ޒަކާތުގެ ގޮތުގައި ފައިސާ ދައްކާފައި ވަނީ ބީއެމްއެލް މެދުވެރިކޮށެވެ. މިގޮތުން އެ ބޭންކް މެދުވެރިކޮށް ޒަކާތުގެ ގޮތުގައި 7 މިލިއަނަށް ވުރެ ގިނަ ރުފިޔާ ދައްކާފައިވާއިރު، އެމްއައިބީ މެދުވެރިކޮށް 1.2 މިލިއަނަށް ވުރެ ގިނަ ރުފިޔާ ރުފިޔާ، ދިރާގު މެދުވެރިކޮށް ތިން ލައްކައަށްވުރެ ގިނަ ރުފިޔާ، އުރީދޫ މެދުވެރިކޮށް ލައްކައަށްވުރެ ގިނަ ރުފިޔާ ދައްކާފައި ވެއެވެ. އޭގެ އިތުރުން، ފަހިޕޭ މެދުވެރިކޮށް 9 ލައްކައަށްވުރެ ގިނަ ރުފިޔާ، ބަނޑޭރިޕޭ މެދުވެރިކޮށް 8 ލައްކައަށްވުރެ ގިނަ ރުފިޔާ، ޒަކާތު ހައުސްގެ ކައުންޓަރުން 4 ލައްކައަށްވުރެ ގިނަ ރުފިޔާ އަދި ކައުންސިލްތަކުން 1.8 މިލިއަނަށްވުރެ ގިނަ ރުފިޔާ ދައްކާފައި ވެއެވެ.
ސަރުކާރުން މިހާރު ވަނީ ފަގީރުންނަށް ފިތުރު ޒަކާތު ފައިސާ ޖަމާކޮށް، ޣައްޒާގެ ކުޑަކުދިންގެ ކާބޯތަކެއްޗަށް 5 ލައްކަ ރުފިޔާ ހަދިޔާކުރަން ނިންމައިފައެވެ. ފިތުރު ޒަކާތުގެ ގޮތުގައި ނެރޭނީ އަހަރު ތެރޭގައި އެ ރަށެއްގައި ބަނޑުކެއުމުގެ ގޮތުގައި އާއްމުކޮށް ކައިއުޅުނު ބާވަތަކުން 2.4 ކިލޯގެ އަގެވެ. ރަސްމީކޮށް ޒަކާތް ބަލައިގަތުމަށް ހަމަޖެހިފައިވަނީ 2.4 ކިލޯ ގޮވާމުގެ އަގަށްވާ ފައިސާއިންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0