އާންމުން ޕޯޓަލަށް ފޮނުވާ ސުވާލުތައް ރައީސް މުއިއްޒު އަމިއްލަފުޅަށް ބައްލަވާ!

Read Time:3 Minute, 50 Second

(ފޮޓޯ ކްރެޑިޓްސް: ވަގުތު)

ރައީސުލްޖުމްހޫރިއްޔާ ޑރ. މުހައްމަދު މުއިއްޒު ސްޓޫޑެންޓް ލޯނުތައް ޝަރީއާ ކޮމްޕްލަޔަންޓް ލޯނުތަކަށް ހެދުމަށް ނިންމެވުމާއެކު އެކަމަށް ކުރަންޖެހޭ މަސައްކަތް ހަޔާ އެޑިއުކޭޝަން މިނިސްޓްރީން ފަށައިފިއެވެ. މިނިސްޓްރީން ނެރުނު ބަޔާނެއްގައި ވިދާޅުވެފައިވަނީ ރާއްޖެއާއި ރާއްޖޭން ބޭރުގައި މަތީ ތައުލީމާއި ތަމްރީން ހޯދަން ދޫކުރާ އަދި ދޫކޮށްފައިވާ ލޯނުތައް ޝަރީއާ ކޮމްޕްލަޔަންޓް ލޯނުތަކަށް ހެދުމަށް ރައީސް މުއިއްޒު ނިންމެވި ނިންވުމަށް މަރުހަބާ ދަންނަވާ ކަމަށެވެ. އަދި އެ ދެންނެވި ލޯނުތަކާ ގުޅިގެން ރައީސް ނިންމެވި ނިންމެވުން ވަގުތުން ވަގުތަށް ތަންފީޒު ކުރުމަށް އެ އިދާރާއިން ކުރަންޖެހޭ ކަންކަން ކުރަމުންދާނެ ކަމަށެވެ.

އަދި އެކަމަށްޓަކައި ވާން ޖެހޭ އެންމެހައި ތައްޔާރީތައް މި ވަގުތުން ފެށިގެން ކުރިއަށްދާ ކަމަށް މިނިސްޓްރީން ވިދާޅުވިއެވެ. މިނިސްޓްރީން ވިދާޅުވީ، އެ ނިންމެވުމުން ދައްކައިދެނީ ސައްތައިންސައްތަ އިސްލާމީ ރާއްޖޭގައި ފައިސާއާ ގުޅޭ ކަންތައްތައް އިސްލާމީ ޝަރީއަތުގައި ކަނޑައެޅިފައިވާ އިންތަކާއި މިންތަކުގެ ތެރޭގައި ބެހެއްޓުމަށް ރައީސް އިސްކަންދެއްވާ މިންވަރު ކަމަށެވެ. ރައީސްގެ އެ ނިންވެމާއެކު ރާއްޖެ އާއި ރާއްޖެއިން ބޭރުގައި މަތީ ތައުލީމާއި ތަމްރީން ހޯދަން ދޫކުރާ އަދި ދޫކޮށްފައިވާ ލޯނުތަކަށް ބަދަލު ގެނެވޭނެ ކަމަށް މިނިސްޓްރީން ވިދާޅުވެއެވެ.

އެގޮތުން އެ ވުޒާރާއިން ކުރިއަށް އޮތް ތަނުގައި ދޫކުރާ އެންމެހައި ސްޓޫޑެންޓް ލޯނުތައް އަނބުރާ ދައްކާއިރު ލޯނުގެ ގޮތުގައި ދޫކުރާ ފައިސާގެ އިތުރުން އެއްވެސް އަދަދެއްގެ ފައިސާއެއް ނުނެގުމާއި އެ ވުޒާރާއިން ދޫކޮށްފައިވާ ސްޓޫޑެންޓް ލޯނުތައް އަނބުރާ ދައްކާއިރު އެޑްމިނިސްޓްރޭޓިވް ފީ ނުނެގުން ހިމެނޭ ކަމަށް މިނިސްޓްރީން ވިދާޅުވެއެވެ. އަދި އެ ނިންމެވުން ތަންފީޒު ކުރުމަށްޓަކައި އެ ވުޒާރާއިން މިހާތަނަށް ދޫކޮށްފައިވާ ސްޓޫޑެންޓް ލޯނުތައް އެޑްމިނިސްޓްރޭޓިވް ފީގެ އެއް އިންސައްތަ އުނިކޮށް އެ ލޯނުތައް އަނބުރާ ދައްކަން ޖެހޭ އަދަދު އެޖަސްޓް ކުރާނެ ކަމަށް ވެސް ވިދާޅުވެއެވެ.